ເງື່ອນໄຂການໃຫ້ບໍລິການ EPS wallet (ເຊິ່ງຕໍ່ໄປນີ້ເອີ້ນວ່າ: “ເງື່ອນໄຂການໃຫ້ບໍລິການ”) ນີ້ແມ່ນຂໍ້ຕົກ ລົງລະຫວ່າງບໍລິສັດ Element Payment Solutions Laos Co., Ltd, ເຊິ່ງມີສຳນັກງານໃຫຍ່ຕັ້ງຢູ່ເລກທີ 286, VeitinBank building Hatsady Neua Village, Chanthabuly District, Vientiane Capital, Lao PDR (ເຊິ່ງຕໍ່ໄປນີ້ຈະເອີ້ນວ່າ: "ບໍລິສັດ" ຝ່າຍໜຶ່ງກັບຜູ້ໃຊ້ EPS wallet (ເຊິ່ງຕໍ່ໄປນີ້ເອີ້ນວ່າ: “ຜູ້ໃຊ້ບໍລິການ”) ອີກຝ່າຍໜຶ່ງເພື່ອໃຊ້ບໍລິການ EPS wallet (ຕໍ່ໄປນີ້ເອີ້ນວ່າ: “ການບໍລິການ”), ເຊິ່ງຜູ້ໃຊ້ສາມາດເຮັດທຸລະກໍາ ທາງດ້ານການເງິນກັບເງິນເອເລັກໂຕຣນິກຂອງບໍລິສັດ. ເຊິ່ງຢູ່ໃນບັນຊີ EPS wallet (ເຊິ່ງຕໍ່ໄປນີ້ເອີ້ນວ່າ: “Wallet”), ບັດເຄຣດິດ, ບັດເດບິດ, ບັດເອເລັກໂຕຣນິກ ບັນຊີທະນາຄານທີ່ເຊື່ອມໂຍງກັບບັນຊີ EPS wallet ຂອງຜູ້ໃຊ້ບໍລິການ ທັງການເຕີມ, ການຈ່າຍເງິນ, ການໂອນ, ການຖອນເງິນໄດ້ຢ່າງສະດວກຜ່ານແອັບພີເຄຊັນ EPS wallet (ເຊິ່ງຕໍ່ໄປນີ້ ເອີ້ນວ່າ: “ແອັບພີເຄຊັ່ນ”). ຜູ້ໃຊ້ບໍລິການມີໜ້າທີ່ທຳຄວາມເຂົ້າໃຈຢ່າງລະອຽດກ່ອນການໃຊ້ບໍລິການ ແລະ ກວດ ສອບເງື່ອນໄຂການໃຫ້ບໍລິການຢ່າງສະໜໍ່າສະເໝີຫາກມີຂໍ້ສົງໄສກ່ຽວກັບການບໍລິການຜູ້ໃຊ້ບໍລິການສາມາດສອບຖາມຜ່ານທາງ ElementPay ໄດ້ທຸກຊ່ອງທາງ.


1. ຂໍ້ກໍານົດທົ່ວໄປ

1.1 ຜູ້ໃຊ້ບໍລິການຍອມຮັບທີ່ຈະປະຕິບັດຕາມ ແລະ ຜູກພັນຕາມເງື່ອນໄຂຂອງການບໍລິການ. ເຊິ່ງການນໍາໃຊ້ ບໍລິການຂອງຜູ້ໃຊ້ບໍລິການແມ່ນຖືວ່າເປັນການຍອມຮັບເງື່ອນໄຂການໃຫ້ບໍລິການເຫຼົ່ານີ້ໂດຍບໍລິສັດອາດຈະແກ້ໄຂ ຫຼື ເພີ່ມເຕີມເງື່ອນໄຂການໃຫ້ບໍລິການໄດ້ທຸກເວລາໂດຍບໍລິສັດຈະແຈ້ງໃຫ້ຜູ້ໃຊ້ບໍລິການຮັບຮູ້ ແລະ ການທີ່ຜູ້ໃຊ້ບໍລິການ ສືບຕໍ່ໃຊ້ບໍລິການຫຼັງຈາກການແກ້ໄຂແລ້ວ ຫຼື ເພີ່ມເຕີມດັ່ງກ່າວຍອມຖືວ່າເປັນການຍອມຮັບການແກ້ໄຂ ຫຼື ການເພີ່ມ ເຕີມໃນແຕ່ລະຄັ້ງ.

1.2 ເວັ້ນແຕ່ຈະໃຫ້ມີການແຈ້ງ ຫຼື ກຳນົດໄວ້ເປັນຢ່າງອື່ນ, ຄຸນສົມບັດໃໝ່ໆທີ່ສາມາດແກ້ໄຂ, ເພີ່ມເຕີມ ຫຼື ປັບປຸງ ການບໍລິການແມ່ນຖືວ່າຢູ່ພາຍໃຕ້ເງື່ອນໄຂການບໍລິການເຫຼົ່ານີ້.

1.3 ບໍລິສັດສະຫງວນສິດໃນການປັບປຸງ ຫຼື ຍົກເລີກການບໍລິການ ຫຼື ພາກສ່ວນໃດໜຶ່ງຂອງການບໍລິການບໍ່ວ່າຈະ ເປັນການຊົ່ວຄາວ ຫຼື ຕະຫຼອດໄປໄດ້ທຸກເວລາໂດຍບໍລິສັດຈະແຈ້ງໃຫ້ທ່ານຊາບລ່ວງໜ້າກ່ຽວກັບການຍົກເລີກ ຫຼື ການລະງັບການບໍລິການ ຫຼື ພາກສ່ວນໃດໜຶ່ງຂອງການບໍລິການແມ່ນຈະບໍ່ມີຜົນກະທົບຕໍ່ໜີ້ສິນໃດໆ. ທີ່ຜູ້ໃຊ້ບໍລິການ ຍັງຕິດໜີ້ກັບບໍລິສັດ, ລວມທັງບໍ່ເປັນການລົບລ້າງສິດທິ ຫຼື ຄວາມຮັບຜິດຊອບໃດໆທີ່ບໍລິສັດ ແລະ ຜູ້ໃຊ້ບໍລິການມີຢູ່ ຫຼືໄດ້ເກີດຂຶ້ນກ່ອນວັນທີທີ່ມີຜົນບັງຄັບໃຊ້ຂອງການຍົກເລີກການບໍລິການ ຫຼື ລະງັບບໍລິການ ຫຼື ພາກສ່ວນໃດໜຶ່ງ ຂອງການບໍລິການດັ່ງກ່າວ.


2. ຂໍ້ກໍານົດ ແລະ ເງື່ອນໄຂການໃຊ້ບໍລິການທົ່ວໄປ.

2.1 ໃນການສະໜັກໃຊ້ບໍລິການຜູ້ໃຊ້ບໍລິການຈະຕ້ອງເປີດບັນຊີ EPS wallet (ເຊິ່ງຕໍ່ໄປນີ້ເອີ້ນວ່າ: "ບັນຊີ EPS wallet") ເພື່ອເຮັດທຸລະກໍາຕ່າງໆ. ທີ່ກ່ຽວຂ້ອງກັບການນໍາໃຊ້ບໍລິການໂດຍຜູ້ໃຊ້ບໍລິການຕ້ອງດຳເນີນການດັ່ງນີ້:

2.1.1 ຜູ້ໃຊ້ບໍລິການທີ່ມີສັນຊາດລາວຕ້ອງຕື່ມຂໍ້ມູນໃສ່ຊື່ ແລະ ນາມສະກຸນ, ອີເມວ, ເບີໂທລະສັບ, ທີ່ຢູ່, ອາຊີບ, ສະຖານທີ່ເຮັດວຽກ, ວັນເດືອນປີເກີດ ແລະ ເລກບັດປະຈຳຕົວຂອງຕົວເອງ ລວມທັງຂໍ້ມູນອື່ນໆຕາມທີ່ບໍລິສັດກໍານົດ ຫຼື ຈະຖືກກໍານົດຕື່ມອີກເພື່ອໃຫ້ເປັນໄປຕາມຈຸດປະສົງໃນການໃຫ້ບໍລິການຂອງບໍລິສັດ ແລະ / ຫຼື ກົດໝາຍທີ່ກ່ຽວ ຂ້ອງ.

2.1.2 ຜູ້ໃຊ້ບໍລິການທີ່ຖືສັນຊາດອື່ນທີ່ບໍ່ແມ່ນສັນຊາດລາວ (ເຊິ່ງຕໍ່ໄປນີ້ເອີ້ນວ່າ: "ຄົນຕ່າງປະເທດ") ຕ້ອງຕື່ມຂໍ້ມູນ ປະເພດວີຊາເພື່ອພັກເຊົາຢູ່ໃນປະເທດລາວ. ຮູບໜັງສືຜ່ານແດນທີ່ມີອາຍຸຍັງເຫຼືອເກີນ 6 (ຫົກ) ເດືອນ ລວມທັງຂໍ້ມູນ ອື່ນໆຕາມທີ່ບໍລິສັດກຳນົດ ຫຼື ຈະຖືກກໍານົດຕື່ມອີກເພື່ອໃຫ້ໄດ້ຕາມຈຸດປະສົງການບໍລິການຂອງບໍລິສັດ ແລະ / ຫຼື ກົດ ໝາຍທີ່ກ່ຽວຂ້ອງ.

ເມື່ອຜູ້ໃຊ້ບໍລິການໄດ້ຕື່ມຂໍ້ມູນໃສ່ຂ້າງເທິງ. ຜູ້ໃຊ້ຕ້ອງລະບຸຕົວອັກສອນ, ຕົວເລກ, ສັນຍາລັກ, ລວມທັງຂໍ້ ມູນຊີວະພາບ. ຕາມທີ່ບໍລິສັດກຳນົດ (ເຊິ່ງຕໍ່ໄປນີ້ເອີ້ນວ່າ: "ລະຫັດຜ່ານ") ໂດຍສາມາດປ່ຽນລະຫັດຜ່ານນີ້ດ້ວຍ ຕົວທ່ານເອງໃນພາຍຫຼັງຕາມຂໍ້ກຳນົດ ແລະ ເງື່ອນໄຂຂອງບໍລິສັດ.

2.2 ບໍລິສັດຂໍສະຫງວນສິດທີ່ຈະປະຕິເສດການເປີດໃຊ້ບໍລິການ, ໃຫ້ບໍລິການ ແລະ / ຫຼື ເຮັດທຸລະກໍາກັບຜູ້ໃຊ້ບໍລິ ການທີ່ບໍ່ເປີດເຜີຍຊື່ແທ້ ຫຼື ໃຊ້ຊື່ສົມມຸດ ຫຼື ເມື່ອບໍລິສັດກວດພົບວ່າຊື່ຂອງຜູ້ທີ່ໃຊ້ບໍລິການຊື່ລົງທະບຽນບໍ່ຖືກຕ້ອງ. ບໍລິສັດສະຫງວນສິດທີ່ຈະເປີດໃຫ້ບໍລິການບາງປະເພດໃຫ້ກັບຜູ້ໃຊ້ບາງປະເພດຕາມທີ່ບໍລິສັດກຳນົດໄວ້ ນອກຈາກນັ້ນ, ບໍລິສັດຍັງສະຫງວນສິດທີ່ຈະປະຕິເສດການເປີດບໍລິການ, ໃຫ້ບໍລິການ ແລະ / ຫຼື ເຮັດທຸລະກໍາໃຫ້ກັບຜູ້ໃຊ້ທີ່ມີອາຍຸ, ສັນຊາດ. ທີ່ຢູ່ອາໄສ ຫຼື ອາຊີບບາງປະເພດຕາມທີ່ບໍລິສັດກຳນົດໃນເລື່ອງນີ້, ຜູ້ໃຊ້ບໍລິການຕົກລົງເຫັນດີ ແລະ ຍອມຮັບ ວ່າການພິຈາລະນາການອະນຸມັດຂອງຄໍາຮ້ອງສະໝັກການໃຊ້ບໍລິການ ແລະ ການເປີດບໍລິການປະເພດຕ່າງໆແມ່ນຂຶ້ນ ກັບການຕັດສິນໃຈຂອງບໍລິສັດແຕພຽງຝ່າຍດຽວ.

2.3 ຜູ້ໃຊ້ບໍລິການຈະຕ້ອງຮັກສາລະຫັດຜ່ານ ແລະ ຂໍ້ມູນທີ່ໃຊ້ໃນການສະໝັກໃຊ້ບໍລິການໄວ້ເປັນຄວາມລັບສະເພາະ ຂອງຜູ້ໃຊ້ບໍລິການເທົ່ານັ້ນ ແລະ ບໍ່ໄດ້ເປີດເຜີຍ ຫຼື ເຮັດອັນໃດອັນໜຶ່ງທີ່ອາດເຮັດໃຫ້ຄົນອື່ນຮູ້ລະຫັດຜ່ານ ແລະ / ຫຼື ຂໍ້ມູນດັ່ງກ່າວຜູ້ໃຊ້ບໍລິການຕົກລົງເຫັນດີວ່າຖ້າຫາກວ່າການເຮັດທຸລະກໍາໃດໜຶ່ງໂດຍການນໍາໃຊ້ລະຫັດຜ່ານຂອງຜູ້ໃຊ້ບໍລິການໃຫ້ຖືວ່າເປັນການກະທໍາຂອງຜູ້ໃຊ້ບໍລິການເອງໃນທຸກດ້ານໂດຍທີ່ບໍລິສັດບໍ່ຮັບຜິດຊອບຕໍ່ຄວາມເສຍຫາຍທີ່ເກີດຈາກການເຮັດທຸລະກໍາໃດໆພາຍໃຕ້ບັນຊີ EPS wallet ຂອງຜູ້ໃຊ້ບໍລິການຈາກການນໍາໃຊ້ລະຫັດຜ່ານດັ່ງກ່າວ.

2.4 ໃນກໍລະນີທີ່ຜູ້ໃຊ້ໄດ້ສໍາເລັດການເຮັດທຸລະກໍາໃດໆທີ່ກ່ຽວຂ້ອງກັບການໃຊ້ບໍລິການຜູ້ໃຊ້ຕົກລົງເຫັນດີວ່າບໍ່ສາມາດ ຍົກ ເລີກ, ຖອນຄືນ, ປ່ຽນແປງ ຫຼື ແກ້ໄຂລາຍການດັ່ງກ່າວໄດ້ ແລະ ຜູ້ໃຊ້ບໍລິການຕ້ອງຖືກຜູກມັດຕາມລາຍການ ດັ່ງກ່າວໃນທຸກໆດ້ານ.

2.5 ຜູ້ໃຊ້ບໍລິການສາມາດໃຊ້ບໍລິການຊໍາລະຄ່າສິນຄ້າ ແລະ / ຫຼື ຄ່າບໍລິການ ລວມທັງການເຮັດທຸລະກໍາຕ່າງໆໃນດ້ານ ການເງິນ,ການທະນາຄານ ແລະ/ຫຼື ທຸລະກໍາໃດໆທີ່ບໍລິສັດອາດຈະຂະຫຍາຍຂອບເຂດຂອງການບໍລິການໃນອະນາຄົດ.

2.6 ຜູ້ໃຊ້ບໍລິການສາມາດຮັບຮູ້ວ່າໃນການນໍາໃຊ້ບໍລິການຖ້າຫາກວ່າມີການໃສ່ລະຫັດຜ່ານທີ່ຜິດພາດຕິດຕໍ່ກັນຫຼາຍ ກ່ວາຈໍານວນທີ່ທາງບໍລິສັດກຳນົດ. ບໍລິສັດຈະລະງັບການໃຊ້ບໍລິການອັດຕະໂນມັດທັນທີ. ຜູ້ໃຊ້ບໍລິການຈະສາມາດສືບ ຕໍ່ການໃຊ້ບໍລິການຕໍ່ໄປໄດ້ກໍຕໍ່ເມື່ອແຈ້ງໃຫ້ບໍລິສັດດໍາເນີນການຕາມວິທີການທີ່ບໍລິສັດໄດ້ກໍານົດໄວ້ເພື່ອຮ້ອງຂໍລະຫັດ ຜ່ານໃໝ່.

2.7 ໃນກໍລະນີທີ່ມີການໃຊ້ບໍລິການລືມລະຫັດຜ່ານ ຫຼື ຕ້ອງການປ່ຽນລະຫັດຜ່ານຂອງທ່ານດ້ວຍເຫດຜົນໃດກໍ່ຕາມ ຜູ້ໃຊ້ຕ້ອງແຈ້ງໃຫ້ບໍລິສັດຮັບຮູ້ທັນທີຕາມວິທີການທີ່ບໍລິສັດໄດ້ກໍານົດໄວ້, ຢ່າງໃດກໍຕາມ, ການປະຕິບັດຂ້າງເທິງນີ້ຈະບໍ່ ສົ່ງຜົນກະທົບຕໍ່ທຸລະກໍາໃດໆທີ່ໄດ້ປະຕິບັດກ່ອນການແຈ້ງການ.

2.8 ຜູ້ໃຊ້ບໍລິການຕົກລົງຢືນຢັນທີ່ຈະຈ່າຍຄ່າບໍລິການຕາມອັດຕາທີ່ບໍລິສັດກໍານົດໂດຍຜູ້ໃຊ້ບໍລິການສາມາດກວດສອບ ຄ່າທໍານຽມໃນເວັບໄຊທ໌ຂອງບໍລິສັດໃນກໍລະນີທີ່ຜູ້ໃຊ້ຕ້ອງການຈ່າຍຄ່າທໍານຽມໃດໆກັບບໍລິສັດຕາມທີ່ລະບຸໄວ້ຂ້າງເທິງຜູ້ໃຊ້ບໍລິການຍິນຍອມທີ່ຈະອະນຸຍາດໃຫ້ບໍລິສັດຫັກເງິນທັນທີຈາກກະເປົ໋າເງິນເພື່ອຈ່າຍຄ່າທໍານຽມດັ່ງກ່າວໃນວັນທີກໍານົດການຈ່າຍເງິນໂດຍຜູ້ໃຊ້ຕົກລົງທີ່ຈະຮັກສາຈໍານວນເງິນໃນກະເປົ໋າເງິນເພື່ອໃຫ້ພຽງພໍທີ່ຈະຫັກເງິນເພື່ອຈ່າຍຄ່າທຳ ນຽມດັ່ງກ່າວ ແລະ ເມື່ອບໍລິສັດໄດ້ຮັບການຊໍາລະຄ່າທໍານຽມເປັນທີ່ຮຽບຮ້ອຍແລ້ວບໍລິສັດຈະສົ່ງໃບຮັບເງິນເອເລັກ ໂຕຣນິກ/ໃບກຳກັບພາສີເອເລັກໂຕຣນິກໃຫ້ຜູ້ໃຊ້ບໍລິການໄວ້ເປັນຫຼັກຖານໂດຍການສົ່ງຜ່ານຊ່ອງທາງທີ່ບໍລິສັດກໍານົດ.

2.9 ນອກຈາກເງິນໃນກະເປົ໋າເງິນຂອງຜູ້ໃຊ້ບໍລິການແລ້ວ, ຜູ້ໃຊ້ບໍລິການສາມາດເຮັດທຸລະກໍາທາງດ້ານການເງິນປະເພດ ອື່ນໆໂດຍການເຊື່ອມໂຍງບັນຊີ EPS wallet ຂອງຜູ້ໃຊ້ບໍລິການເຂົ້າກັບຊ່ອງທາງຕ່າງໆຕາມທີ່ບໍລິສັດເປີດໃຫ້ບໍລິການ. (ເຊິ່ງຕໍ່ໄປນີ້ເອີ້ນວ່າ: “Source of Funds”) ເຊິ່ງລວມທັງແຕ່ບໍ່ຈໍາກັດພຽງບັດເຄຣດິດ, ບັດເດບິດ, ບັດເອເລັກໂຕຣ ນິກ, ບັນຊີທະນາຄານ (ຫັກເງິນຈາກບັນຊີທະນາຄານໃນລະບົບໂດຍອັດຕະໂນມັດ ຫຼື direct debit) ເປັນຕົ້ນໂດຍ ເງື່ອນໄຂການບໍລິການຂອງແຕ່ລະ Source of Funds ນັ້ນແມ່ນໄດ້ກໍານົດໄວ້ໃນຂໍ້ທີ 4 ຂອງເງື່ອນໄຂການໃຫ້ບໍລິການ ນີ້ລວມທັງສິ່ງທີ່ບໍລິສັດອາດຈະລະບຸໂດຍສະເພາະສໍາລັບແຕ່ລະ Source of Funds ນັ້ນໆຕໍ່ໄປໃນອະນາຄົດ.

2.10 ຜູ້ຮັບບໍລິການສາມາດຕັ້ງຄ່າໃຫ້ລະບົບດຳເນີນການໃນການຊຳລະຄ່າບໍລິການສິນຄ້າ ແລະ ການບໍລິການດິຈິຕອນ ຜ່ານແອັບພີເຄຊັ່ນ. ("ຕັ້ງຄ່າການຊໍາລະເງິນສິນຄ້າ ແລະ ການບໍລິການດິຈິຕອນ") ໄດ້ຕາມຂັ້ນຕອນ ແລະ ວິທີການທີ່ ບໍລິສັດໄດ້ກໍານົດ. ຢ່າງໃດກໍຕາມ, ບໍລິສັດສະຫງວນສິດໃນການຕັ້ງຄ່າການຊໍາລະເງິນສິນຄ້າ ແລະ ການບໍລິການດິຈິ ຕອນໃນພາຍຫລັງອີງຕາມຂັ້ນຕອນ ແລະ ວິທີການທີ່ບໍລິສັດໄດ້ກຳນົດ.

2.11 ສໍາລັບຜູ້ໃຊ້ບໍລິການທີ່ມີສັນຊາດລາວຈະສາມາດໃຊ້ບໍລິການຊໍາລະຄ່າສິນຄ້າ ແລະ / ຫຼື ຄ່າບໍລິການລວມທັງ ການເຮັດທຸລະກໍາທາງດ້ານການເງິນຜ່ານບັນຊີ EPS wallet ຂອງຜູ້ໃຊ້ບໍລິການໄດ້ບໍ່ເກີນຈໍານວນເງິນທີ່ກໍານົດໄວ້ຕໍ່ທຸ ລະກໍາ, ຕໍ່ມື້ ແລະ ຕໍ່ເດືອນ ຂຶ້ນຢູ່ກັບລະດັບການຢືນຢັນຕົວຕົນຂອງຜູ້ໃຊ້ບໍລິການເຊິ່ງປາກົດຢູ່ໃນໜ້າແອັບພີເຄຊັ່ນ ສຳລັບຜູ້ໃຊ້ງານຊາວຕ່າງປະເທດຈະສາມາດໃຊ້ບໍລິການຊຳລະຄ່າສິນຄ້າ ແລະ / ຫຼື ຄ່າບໍລິການລວມເຖິງການເຮັດທຸລະ ກຳການເງິນຜ່ານບັນຊີ EPS wallet ຂອງຜູ້ໃຊ້ບໍລິການໄດ້ບໍ່ເກີນຈຳນວນວົງເງິນທີ່ກຳນົດໄວ້ຕໍ່ລາຍການຕໍ່ມື ແລະ ຕໍ່ເດືອນຂັ້ນຢູ່ກັບລະດັບການຢືນຢັນຕົວຕົນຂອງຜູ້ໃຊ້ບໍລິການເຊິ່ງຜູ້ໃຊ້ບໍລິການຈະເຮັດໄວ້ກັບບໍລິສັດຢ່າງໃດກໍຕາມບໍລິສັດມີສິດປ່ຽນແປງຈຳນວນເງິນດັ່ງກ່າວໃນເວລາໃດກໍໄດ້ໂດຍຈະແຈ້ງໃຫ້ຜູ້ໃຊ້ບໍລິການຮັບຮູ້ລ່ວງໜ້າ. ນອກຈາກນີ້ຜູ້ໃຊ້ ບໍລິການສາມາດປັບປ່ຽນຈຳນວນເງິນດັ່ງກ່າວຂ້າງເທິງໄດ້ດ້ວຍຕົນເອງໃນແອັບພີເຄຊັ່ນໂດຍຜູ້ໃຊ້ບໍລິການຈະຕ້ອງດຳເນີນການຢືນຢັນຕົວຕົນ/ເຮັດຕາມຂັ້ນຕອນທີ່ບໍລິສັດກຳນົດແຕ່ທັງນີ້ການປ່ຽນແປງຈຳນວນວົງເງິນດັ່ງກ່າວຈະບໍ່ສາມາດ ປ່ຽນແປງໄດ້ເກີນໄປກວ່າຈຳນວນເງິນສູງສຸດທີ່ກຳນົດໄວ້ສຳລັບລະດັບການຢືນຢັນຕົວຕົນຜູ້ໃຊ້ບໍລິການເອງ.

2.12 ບໍລິສັດສະຫງວນລິຂະສິດໃນການປະຕິເສດການດຳເນີນການຊຳລະ ຫຼື ຮັບສຳລັບຄ່າສິນຄ້າ ແລະ / ຫຼື ຄ່າບໍລິ ການດັ່ງຕໍ່ໄປນີ້:

2.12.1 ການຊຳລະ ຫຼື ຮັບສຳລະຄ່າສິນຄ້າ ແລະ / ຫຼື ຄ່າບໍລິການໃນນາມນິຕິບຸກຄົນ ຫຼື ບຸກຄົນອື່ນໆ.

2.12.2 ການຊຳລະ ຫຼື ຮັບສຳລະຄ່າສິນຄ້າ ແລະ / ຫຼື ຄ່າບໍລິການບາງປະເພດເຊິ່ງຖືກລະງັບການໃຫ້ບໍລິການ ແລະ ມີຄ່າທຳນຽມການຕໍ່ສາຍສັນຍານ.

2.12.3 ການຊຳລະ ຫຼື ຮັບສຳລະຄ່າສິນຄ້າ ແລະ / ຫຼື ຄ່າບໍລິການບາງປະເພດເຊິ່ງມີໜີ້ຄ້າງຊຳລະ ແລະ ເກີນກຳນົດ ຊຳລະ.

2.12.4 ການຊຳລະ ຫຼື ຮັບສຳລະຄ່າສິນຄ້າ ແລະ / ຫຼື ຄ່າບໍລິການບາງປະເພດເຊິ່ງເປັນການຊຳລະພຽງບາງສ່ວນ.

2.12.5 ການຊຳລະ ຫຼື ຮັບສຳລະຄ່າສິນຄ້າ ແລະ / ຫຼື ຄ່າບໍລິການບາງປະເພດເຊິ່ງຂັດຕໍ່ກົດໝາຍ, ສິນລະທຳດີ, ຂໍ້ ກຳນົດຂອງຜູ້ໃຊ້ບໍລິການເຄືອຂ່າຍບັດອີເລັກໂຕນິກ ຫຼື ຂໍ້ກຳນົດອື່ນທີ່ທາງບໍລິສັດອາດກຳນົດໄວ້ເປັນການສະເພາະ.

2.12.6 ການຊຳລະ ຫຼື ຮັບຄ່າຊຳລະສິນຄ້າ ແລະ/ຫຼື ຄ່າບໍລິການເກີນຈຳນວນລາຍການທີ່ບໍລິສັດກຳນົດຕໍ່ເດືອນທັງນີ້ ເງື່ອນ ໄຂໃນການຊຳລະຄ່າສິນຄ້າ ແລະ/ຫຼື ຄ່າບໍລິການເປັນໄປຕາມຂໍ້ກຳນົດຂອງຜູ້ຂາຍ ແລະ/ຫຼື ຜູ້ໃຫ້ບໍລິການແຕ່ລະ ລາຍ.

2.13 ໃນກໍລະນີທີ່ເກີດຄວາມຜິດພາດໃນການຫັກເງິນຈາກ ແລະ/ຫຼື ໂອນເຂົ້າກະເປົ່າເງິນຂອງຜູ້ໃຊ້ບໍລິການທີ່ເກີດ ຂຶ້ນຈາກບໍລິສັດຜູ້ໃຊ້ບໍລິການຍິນຍອມໃຫ້ບໍລິສັດແກ້ໄຂຄວາມຜິດພາດທີ່ເກີດຂຶ້ນໃຫ້ຖືກຕ້ອງໄດ້ຕາມຄວາມເປັນຈິງ ລວມເຖິງບໍ່ຈຳກັດພຽງການຫັກເງິນຈາກ ແລະ/ຫຼື ໂອນເງິນເຂົ້າກະເປົ່າດັ່ງກ່າວໂດຍບໍລິສັດຈະແຈ້ງໃຫ້ຜູ້ໃຊ້ບໍລິການ ຮັບຮູ້ເຖິງເຫດຜົນ ແລະ ຈຳນວນເງິນທີ່ຜິດພາດດັ່ງກ່າວ ແລະ ຖ້າຫາກຄວາມຜິດພາດດັ່ງກ່າວເປັນເຫດໃຫ້ບໍລິສັດ ຕ້ອງຊຳລະເງິນແທນໃຫ້ຜູ້ໃຊ້ບໍລິການໄປກ່ອນຜູ້ໃຊ້ບໍລິການຕົກລົງຊຳລະຄືນໃຫ້ແກ່ບໍລິສັດຈົນຄົບຖ້ວນທັງນີ້ຖ້າຫາກບໍລິສັດພົບວ່າເງິນໃນກະເປົ໋າເງິນຂອງຜູ້ໃຊ້ບໍລິການບໍ່ພຽງພໍໃຫ້ບໍລິສັດຫັກເງິນໃນກະເປົ໋າເງິນເພື່ອແກ້ໄຂຄວາມຜິດພາດໃນຂໍ້ນີ້ບໍລິສັດມີສິດລະງັບການໃຫ້ບໍລິການແກ່ຜູ້ໃຊ້ບໍລິການຈົນກວ່າກະເປົ໋າເງິນຂອງຜູ້ໃຊ້ບໍລິການຈະມີເງິນພຽງພໍ ແລະ ບໍລິສັດໄດ້ດຳເນີນການຫັກເງິນຈາກກະເປົ໋າເງິນຂອງຜູ້ໃຊ້ບໍລິການດັ່ງກ່າວຮຽບຮ້ອຍແລ້ວໃນກໍລະນີທີ່ມີຄວາມຜິດພາດ ໃນການຫັກເງິນ ແລະ/ຫຼື ໂອນເງິນເຂົ້າກະເປົາເງິນຂອງຜູ້ໃຊ້ບໍລິການບໍ່ໄດ້ເກີດຂຶ້ນຈາກບໍລິສັດຜູ້ໃຊ້ບໍລິການຈະກວດ ສອບ ແລະ ຮຽກຮ້ອງ ຫຼື ສົ່ງເງິນດັ່ງກ່າວຄືນໃຫ້ແກ່ຄູ່ຜິດພາດຂອງຜູ້ໃຊ້ບໍລິການໂດຍຕົງ ແລະ ຫາກຜູ້ໃຊ້ບໍລິການມີຂໍ້ຕໍ່ ສູ້ ແລະ/ຫຼື ສິດທິຮຽກຮ້ອງໃດໆກໍຈະໄປໂອ້ລົມກັນເອງກັບຄູ່ຜິດພາດຂອງຜູ້ໃຊ້ບໍລິການ.

2.14 ບໍລິສັດຂໍສະຫງວນສິດໃນການກັນເງິນຂອງກະເປົ໋າເງິນຂອງຜູ້ໃຊ້ບໍລິການເປັນການຊົ່ວຄາວຕາມຄວາມເໝາະສົມ ເພື່ອດຳເນີນການກວດສອບໃນກໍລະນີທີ່ບໍລິສັດພົບ ຫຼື ໄດ້ຮັບຮູ້ເຖິງພຶດຕິກຳໃດພຶດຕິກຳໜຶ່ງດັ່ງຕໍ່ໄປນີ້:

2.14.1 ໃນກໍລະນີທີ່ບໍລິສັດສາມາດພິສູດໄດ້ວ່າຜູ້ໃຊ້ບໍລິການໄດ້ຮັບເງິນເຂົ້າກະເປົ໋າເງິນຂອງຜູ້ໃຊ້ບໍລິການອັນເນື່ອງມາ ຈາກຄວາມຜິດພາດໃນການໂອນເງິນຂອງຜູ້ໃຊ້ບໍລິການບຸກຄົນອື່ນຫຼື

2.14.2 ໃນກໍລະນີທີ່ບໍລິສັດສາມາດພິສູດໄດ້ວ່າຜູ້ໃຊ້ບໍລິການໄດ້ຮັບເງິນເຂົ້າກະເປົ໋າເງິນຂອງຜູ້ໃຊ້ບໍລິການອັນເນື່ອງມາຈາກການກະທຳຜິດທາງກົດໝາຍ ຫຼື ພະຍາຍາມກະທຳຜິດກົດໝາຍຕາມທີ່ກົດໝາຍກຳນົດ ຫຼື ເຫດຜົນໃດໆກໍຕາມທີ່ອາດກໍໃຫ້ ເກີດຄວາມເສຍຫານແກ່ບໍລິສັດ ຫຼື ບຸກຄົນອື່ນ.

2.15 ໃນກໍລະນີທີ່ບໍລິສັດສາມາດພິສູດໄດ້ວ່າຜູ້ໃຊ້ບໍລິການບໍ່ມີເງິນພຽງພໍໃນການຊຳລະຄ່າສິນຄ້າ ແລະ/ຫຼື ຄ່າບໍລິການ ເກີນກວ່າວົງເງິນທີ່ບໍລິສັດກຳນົດໄວ້ສຳລັບຜູ້ໃຊ້ບໍລິການໃນຄັ້ງໃດບໍລິສັດມີສິດລະງັບການໃຫ້ບໍລິການແກ່ຜູ້ໃຊ້ບໍລິການໃນຄັ້ງນັ້ນໄດ້ຕາມຂໍ້ 6.2 ຂອງເງື່ອນໄຂການໃຫ້ບໍລິການສະບັບນີ້ເກີດຂຶ້ນ.

2.16 ບໍລິສັດຂໍສະຫງວນສິດໃນການລະງັບ ຫຼື ຍົກເລີກການໃຊ້ບໍລິການຂອງຜູ້ໃຊ້ບໍລິການໂດຍບໍ່ຕ້ອງແຈ້ງໃຫ້ຜູ້ໃຊ້ ບໍລິການຮັບຮູ້ລ່ວງໜ້າຫາກບໍລິສັດພົບວ່າມີພຶດຕິກຳໃດພຶດຕິກຳໜຶ່ງຕາມຂໍ້ 6.2 ຂອງເງື່ອນໄຂການໃຫ້ບໍລິການສະບັບນີ້ ເກີດຂຶ້ນ.

2.17 ຕາມກົດໝາຍການຄຸ້ມຄອງ ແລະ ການປາບປາມການຟອກເງິນລວມເຖິງປະກາດ ແລະ ຫຼັກເກນທີ່ກ່ຽວຂ້ອງເຊິ່ງ ມີຜົນໃຊ້ບັງຄັບຢູ່ໃນປະຈຸບັນ ແລະ/ຫຼື ທີ່ຈະມີຜົນໃຊ້ບັງຄັບໃນພາຍໜ້າບໍລິສັດເຊິ່ງເປັນຜູ້ປະກອບການທຸລະກິດເງິນເອ ເລັກໂຕຣນິກມີໜ້າທີ່ຕ້ອງປະຕິບັດຕາມກົດໝາຍການຄຸ້ມຄອງ ແລະ ປາບປາມການຟອກເງິນ ແລະ ກົດໝາຍວ່າດ້ວຍ ການຄຸ້ມຄອງ ແລະ ປາບປາມການສະໜັບສະໜູນທາງການເງິນໃຫ້ແກ່ການກໍ່ການຮ້າຍ ແລະ ການແຜ່ຂະຫຍາຍອາວຸດ ທີ່ມີອານຸພາບທຳລາຍລ້າງສູງດັ່ງນັ້ນຜູ້ໃຊ້ບໍລິການຈະຕ້ອງສະແດງຕົວຕົນໂດຍການລົງທະບຽນ ແລະ ສະແດງຫຼັກຖານ ຂໍ້ມູນເພື່ອໃຫ້ບໍລິສັດກວດສອບພິສູດຮັບຮູ້ຕົວຕົນ ແລະ ພິສູດໃຫ້ຮູ້ເຖິງຂໍ້ເທັດຈິງຂອງຫຼັກຖານຂໍ້ມູນໃຫ້ຄົບຖ້ວນ ແລະ ຖືກຕ້ອງຕາມທີ່ກົດໝາຍກຳນົດຫາກຜູ້ໃຊ້ບໍລິການບໍ່ດຳເນີນການລົງທະບຽບ ຫຼື ສະແດງຫຼັກຖານພາຍໃນໄລຍະ ເວລາທີ່ກຳນົດ ແລະ/ຫຼື ບໍລິສັດບໍ່ສາມາດພິສູດຕົວຕົນຂອງຜູ້ໃຊ້ບໍລິການໄດ້ຜູ້ໃຊ້ບໍລິການຍິນຍອມໃຫ້ບໍລິສັດລະງັບ ການໃຫ້ບໍລິການ ຫຼື ຍົກເວັ້ນการເຮັດທຸລະກຳຂອງຜູ້ໃຊ້ບໍລິການຊົ່ວຄາວຈົນກວ່າຜູ້ໃຊ້ບໍລິການຈະລົງທະບຽບ ແລະ ສະແດງຫຼັກຖານຂໍ້ມູນທີ່ຄົບຖ້ວນ ແລະ ຖືກຕ້ອງຕາມແບບທີ່ກົດໝາຍ ຫຼື ສຳນັກງານທີ່ກ່ຽວຂ້ອງກຳນົດ ທັງນີ້ຖ້າຫາກ ຜູ້ໃຊ້ບໍລິການບໍ່ດຳເນີນການລົງທະບຽນ ຫຼື ສະແດງຫຼັກຖານເບື້ອງຕົ້ນພາຍໃນໄລຍະເວລາ 90 (ເກົ້າສິບ) ມື້ ນັບຈາກ ມື້ທີ່ບໍລິສັດດຳເນີນການລະງັບ ຫຼື ຍົກເວັ້ນຂ້າງເທິງບໍລິສັດຂໍສະຫງວນສິດຍົກເລີກບັນຊີ EPS wallet ຂອງຜູ້ໃຊ້ ບໍລິການ ແລະ/ຫຼື ດຳເນີນການອື່ນທີ່ບໍລິສັດເຫັນດີ.

2.18 ບໍລິສັດຂໍສະຫງວນສິດໃນການປ່ຽນແປງເກນການພິຈາລະນາອານຸມັດ ແລະ ການຈຳກັດຈຳນວນບັນຊີ EPS wallet ຕໍ່ 1 (ໜຶ່ງ) ເລກບັດປະຈຳຕົວ ຫຼື ໝາຍເລກໜັງສືຜ່ານແດນຕາມທີ່ບໍລິສັດເຫັນດີໂດຍບໍ່ຈຳເປັນຕ້ອງແຈ້ງ ເຫດຜົນໃຫ້ຜູ້ໃຊ້ບໍລິການຮັບຮູ້.

2.19 ຜູ້ໃຊ້ບໍລິການຮັບຮູ້ວ່າໃນກໍລະນີດັ່ງຕໍ່ໄປນີ້ການໃຊ້ບໍລິການຂອງຜູ້ໃຊ້ບໍລິການອາດຖືກຍົກເລີກ ຫຼື ຖືກລະງັບຫຼື ບັນຊີ EPS wallet ຂອງຜູ້ໃຊ້ບໍລິການອາດຖືກປິດ ແລະ ຜູ້ໃຊ້ບໍລິການຈະບໍ່ສາມາດເຮັດທຸລະກຳໃດໆກັບບັນຊີ EPS wallet ຂອງຜູ້ໃຊ້ບໍລິການໄດ້.

2.19.1 ໝາຍເລກໂທລະສັບຂອງຜູ້ໃຊ້ບໍລິການທີ່ລົງທະບຽນໃຫ້ກັບບໍລິສັດຖືກລະງັບຜູ້ໃຊ້ບໍລິການອາດບໍ່ສາມາດເຮັດ ທຸລະກຳໃດໆກັບບັນຊີ EPS wallet ຂອງຜູ້ໃຊ້ບໍລິການໄດ້ຈົນກວ່າການລະງັບໝາຍເລກໂທລະສັບຈະຖືກຍົກເລີກຫຼື.

2.19.2 ຜູ້ໃຊ້ບໍລິການປ່ຽນໝາຍເລກໂທລະສັບທີ່ລົງທະບຽນໄວ້ກັບບໍລິສັດ ຫຼື ຍົກເລີກການໃຊ້ໝາຍເລກໂທລະສັບ ທີ່ລົງທະບຽນໄວ້ ຫຼື ໝາຍເລກໂທລະສັບທີ່ລົງທະບຽນວ່າໃຫ້ຖືກຍົກເລີກດ້ວຍເຫດຜົນອື່ນໃນກໍລະນີດັ່ງກ່າວຂ້າງເທິງ ຜູ້ໃຊ້ບໍລິການຮັບຮູ້ວ່າຜູ້ໃຊ້ບໍລິການຈະຕ້ອງນຳເງິນອອກຈາກກະເປົ໋າເງິນຂອງຜູ້ໃຊ້ບໍລິການກ່ອນປ່ຽນໝາຍເລກໂທລະ ສັບ ຫຼື ກ່ອນໝາຍເລກໂທລະສັບດັ່ງກ່າວຈະຖືກລະງັບ ຫຼື ຖືກຍົກເລີກບໍ່ດັ່ງນັ້ນບໍລິສັດຈະບໍ່ຮັບຜິດຊອບໃນຄວາມ ເສຍຫາຍໃດທີ່ອາດເກີດຂຶ້ນກັບຜູ້ໃຊ້ບໍລິການ.

2.20 ຜູ້ໃຊ້ບໍລິການສາມາດເບິ່ງຂໍ້ມູນການເຮັດທຸລະກຳຍ້ອນຫຼັງທີ່ຜູ້ໃຊ້ບໍລິການໄດ້ດຳເນີນລາຍການຊຳລະຄ່າສິນຄ້າ ແລະ / ຫຼື ບໍລິການດ້ວຍເງິນໃນກະເປົ໋າ ຫຼື Source of funds ໃດໆທີ່ຜູ້ໃຊ້ບໍລິການໄດ້ເຊື່ອມໂຍງກັບບັນຊີ EPS wallet ໄດ້ 3 (ສາມ) ເດືອນຜ່ານແອັບພີເຄຊັ່ນ. ກໍລະນີຜູ້ໃຊ້ບໍລິການໄດ້ເຮັດລາຍການຊຳລະສິນຄ້າ ແລະ / ຫຼື ບໍລິການດ້ວຍເງິນໃນກະເປົ໋າຂອງຜູ້ໃຊ້ບໍລິການຜູ້ໃຊ້ບໍລິການສາມາດຂໍຫຼັກຖານການເຮັດທຸລະກຳຍ້ອນຫຼັງໄດ້ 1 (ໜຶ່ງ) ປີ ຜ່ານແອບພີເຄຊັ່ນ ຫຼື ຊ່ອງທາງອື່ນຕາມທີ່ບໍລິສັດກຳນົດ. ຜູ້ໃຊ້ບໍລິການສາມາດຂໍຫຼັກຖານການເຮັດທຸລະກຳ ໄດ້ບໍ່ເກີນຈຳນວນຄັ້ງທີ່ບໍລິສັດກຳນົດຕໍ່ມື້ ແລະ ຜູ້ໃຊ້ບໍລິການຈະໄດ້ຮັບຫຼັກຖານການເຮັດທຸລະກຳຜ່ານອີເມວຂອງຜູ້ໃຊ້ ບໍລິການທີ່ໄດ້ແຈ້ງໄວ້ກັບທາງບໍລິສັດຫຼັກຖານການເຮັດທຸລະກຳໝາຍເຖິງໃບແຈ້ງລາຍການ (Statement) ແລະ ຫຼັກ ຖານອື່ນທີ່ເຮັດດ້ວຍເຄື່ອງຄອມພິວເຕີ ແລະ ສື່ບັນທຶກຂໍ້ມູນ ຫຼື ສື່ບັນທຶກຂໍ້ມູນອື່ນໃດທີ່ໃຊ້ເກັບຂໍ້ມູນ ຫຼື ຫຼັກຖານ ອື່ນໃດທີ່ທະນາຄານກາງແຫ່ງປະເທດລາວໄດ້ກຳນົດຂຶ້ນໃນອານາຄົດເຊິ່ງຫຼັກຖານການເຮັດລາຍການຖືເປັນຂໍ້ມູນຄວາມລັບທີ່ຜູ້ໃຊ້ບໍລິການບໍ່ຄວນເປີດເຜີຍຕໍ່ບຸກຄົນພາຍນອກ.

2.21 ຜູ້ໃຊ້ບໍລິການສາມາດສອບຖາມຂໍ້ມູນບໍລິການ ແລະ / ຫຼື ແຈ້ງບັນຫາໃນການໃຊ້ບໍລິການໄດ້ທີ່ EPS wallet ຫຼື ຊ່ອງທາງທີ່ທາງບໍລິສັດກຳນົດໄວ້.

3. ຂໍ້ກຳນົດ ແລະ ເງື່ອນໄຂການໃຊ້ບໍລິການການໂອນເງິນເຂົ້າບັນຊີເງິນຝາກທະນາຄານ.

3.1 ຜູ້ໃຊ້ບໍລິການຈະຕ້ອງເຮັດລາຍການຜ່ານແອັບພີເຄຊັ່ນເພື່ອຂໍໂອນເງິນຈາກກະເປົ໋າເງິນຂອງຜູ້ໃຊ້ບໍລິການເຂົ້າບັນຊີ ເງິນຝາກທະນາຄານທີ່ຜູ້ໃຊ້ບໍລິການຕ້ອງການໂດຍປະຕິບັດຕາມຂັ້ນຕອນ ແລະ ວິທີການທີ່ບໍລິສັດກຳນົດ.

3.2 ຜູ້ໃຊ້ບໍລິການຮັບຮູ້ ແລະ ຍອມຮັບວ່າໃນການໂອນເງິນຈາກກະເປົ໋າເງິນຂອງຜູ້ໃຊ້ບໍລິການເຂົ້າບັນຊີເງິນຝາກທະນາ ຄານທີ່ຜູ້ໃຊ້ບໍລິການຕ້ອງການບໍລິສັດຈະເກັບຄ່າທຳນຽຜູ້ໃຊ້ບໍລິການສາມາດກວດສອບຄ່າຄຳນຽມໄດ້ທີ່ເວັບໄຊທ໌ www.elementpay.io ໂດຍຄ່າທຳນຽມດັ່ງກ່າວຈະຖືກຫັກຈາກເງິນໃນກະເປົ໋າເງິນຂອງຜູ້ໃຊ້ບໍລິການທັນທີທີ່ຜູ້ໃຊ້ ບໍລິການແຈ້ງຂໍໂອນເງິນ.

3.3 ພາຍໃຕ້ເງື່ອນໄຂຂໍ້ 2.11 ຈຳນວນເງິນທີ່ຜູ້ໃຊ້ບໍລິການສາມາດເຮັດລາຍການໂອນເງິນໄດ້ຕໍ່ມື້ ແລະ ຕໍ່ເດືອນຈະຂຶ້ນ ຢູ່ກັບລະດັບການຢືນຢັນຕົວຕົນຂອງຜູ້ໃຊ້ບໍລິການ.

3.4 ຜູ້ໃຊ້ບໍລິການບໍ່ສາມາດຂໍຍົກເລີກຄຳຂໍໂອນເງິນໄດ້.

3.5 ກໍລະນີທີ່ບໍລິສັດກວດພົບວ່າເງິນໃນກະເປົ໋າເງິນຂອງຜູ້ໃຊ້ບໍລິການມີຈຳນວນບໍ່ພຽງພໍກັບຈຳນວນເງິນທີ່ຂໍໂອນ ແລະ ຄ່າທຳນຽມໃນການເຮັດລາຍການໂອນເງິນບໍລິສັດຂໍສະຫງວນສິດໃນການລະງັບການໃຫ້ບໍລິການແກ່ຜູ້ໃຊ້ບໍລິການໃນ ຄັ້ງນັ້ນໆ.

3.6 ຖ້າຫາກການໃຫ້ບໍລິການຂອງບໍລິສັດມີເຫດຂັດຂ້ອງເນື່ອງຈາກລະບົບຂອງທະນາຄານບໍລິສັດຈະດຳເນີນການ ສົ່ງເງິນຄືນເຂົ້າກະເປົ໋າເງິນຂອງຜູ້ໃຊ້ບໍລິການອັດຕະໂນມັດພາຍໃນ 3 (ສາມ) ມື້ ທາງລັດຊະການຫຼັງຈາກໄດ້ຮັບແຈ້ງ ຈາກທະນາຄານ.

3.7 ກໍລະນີທີ່ຜູ້ໃຊ້ບໍລິການສົ່ງຄຳຮ້ອງຂໍໂອນແລ້ວບໍ່ສາມາດໂອນເງິນໄດ້ບໍ່ວ່າດ້ວຍເຫດຜົນໃດໆກໍ່ຕາມຜູ້ໃຊ້ບໍລິການ ຮັບຮູ້ວ່າບໍລິສັດຈະບໍ່ສົ່ງເງິນຄ່າທຳນຽມຄືນໃນການເຮັດທຸລະກຳດັ່ງກ່າວຍົກເວັ້ນກໍລະນີທີ່ບໍ່ສາມາດໂອນເງິນໄດ້ເກີດຈາກເຫດຂັດຂ້ອງຈາກລະບົບຂອງບໍລິສັດ ຫຼື ທະນາຄານເທົ່ານັ້ນ.


4. ຂໍ້ກຳນົດ ແລະ ເງື່ອນໄຂການໃຊ້ບໍລິການ Source of funds ໃນແອັບພີເຄຊັ່ນ.

4.1 ຜູ້ໃຊ້ບໍລິການຈະຕ້ອງມີບັນຊີ EPS wallet ກອນເຖິງຈະສາມາດເຊື່ອມ Source of funds ໃດໆເຂົ້າກັບບັນຊີ EPS wallet ຂອງຜູ້ໃຊ້ບໍລິການໄດ້ບໍລິສັດຂໍສະຫງວນສິດໃນການໃຫ້ບໍລິການສະເພາະ source of funds ທີ່ທາງ ບໍລິສັດເປີດໃຫ້ບໍລິການໃຫ້ເຊື່ອມຕໍ່ກັບບັນຊີ EPS wallet ເທົ່ານັ້ນ.

4.2 ຜູ້ໃຊ້ບໍລິການຕົກລົງ ແລະ ຮັບຮູ້ວ່າເມື່ອຜູ້ໃຊ້ບໍລິການເຊື່ອມ source of funds ໃດເຂົ້າກັບບັນຊີ EPS wallet ຂອງຜູ້ໃຊ້ບໍລິການຮຽບຮ້ອຍແລ້ວບໍລິສັດອາດມີຄວາມຈຳເປັນທີ່ຈະຕ້ອງເຂົ້າເຖິງຂໍ້ມູນຂອງ source of funds ນັ້ນ ຂອງຜູ້ໃຊ້ບໍລິການເພື່ອໃຫ້ສະແດງຂໍ້ມູນ source of funds ດັ່ງກ່າວຢູ່ໜ້າແອັບພີເຄຊັ່ນໃນອຸປະກອນຂອງຜູ້ໃຊ້ບໍລິ ການ ຫຼື ໃນຊ່ອງທາງອື່ນໃດກໍຕາມທີ່ບໍລິສັດກຳນົດທັງນີ້ກໍເພື່ອອຳນວຍຄວາມສະດວກໃຫ້ແກ່ຜູ້ໃຊ້ບໍລິການໃນການໃຊ້ ບໍລິການ source of funds ດັ່ງກ່າວຕາມເງື່ອນໄຂການໃຫ້ບໍລິການນີ້ເມື່ອຜູ້ໃຊ້ບໍລິການເຊື່ອມ source of funds ໃດເຂົ້າກັບບັນຊີ EPS wallet ຂອງຜູ້ໃຊ້ບໍລິການຮຽບຮ້ອຍແລ້ວບໍລິສັດຈະທຳການເພີ່ມ source of funds ທີ່ຜູ້ໃຊ້ບໍລິການໄດ້ມີການເຊື່ອມໃໝ່ເຂົ້າໄປໃນລຳດັບການຊຳລະເງິນໃຫ້ໂດຍອັດຕະໂນມັດ.

4.3 ບໍລິສັດຂໍສະຫງວນສິດຈຳກັດຈຳນວນບັນຊີຂອງ Source of funds ທີ່ຜູ້ໃຊ້ບໍລິການສາມາດໃຊ້ເຊື່ອມເຂົ້າກັບ ບັນຊີ EPS wallet ຂອງຜູ້ໃຊ້ບໍລິການໄດ້ດັ່ງນີ້:

• ຜູກບັດເຄດິດ, ບັດເດບິດ ໄດ້ບໍ່ເກີນ 3 (ສາມ) ໃບຕໍ່ 1 (ໜຶ່ງ)ບັນຊີ EPS wallet.
• ຜູ້ບັນຊີທະນາຄານໄດ້ບໍ່ເກີນ 5 (ຫ້າ) ບັນຊີທະນາຄານຕໍ່ 1 (ໜຶ່ງ) ບັນຊີ EPS wallet.

ທັງນີ້ບໍລິສັດອາດປ່ຽນແປງການຈຳກັດຈຳນວນບັນຊີຂອງ Source of funds ທີ່ຜູ້ໃຊ້ບໍລິການສາມາດໃຊ້ ເຊື່ອມກັບບັນຊີ EPS wallet ຂອງຜູ້ໃຊ້ບໍລິການໄດ້ໂດຍຈະແຈ້ງໃຫ້ຜູ້ໃຊ້ບໍລິການຮັບຮູ້ລ່ວງໜ້າ.

4.4 ຜູ້ໃຊ້ບໍລິການບໍ່ມີໜ້າທີ່ໃນການຊຳລະຄ່າທຳນຽມໃນການໃຊ້ source of funds ໃດໆນອກຈາກການໃຊ້ ແອັບພີເຄຊັ່ນເພື່ອໃຊ້ຊຳລະຄ່າສິນຄ້າ ແລະ / ຫຼື ບໍລິການຢ່າງໃດກໍຕາມໃນການເລີ່ມໃຊ້ບໍລິການສຳລັບບາງ source of funds ບັດເຄດິດ, ບັດເຄດິດ ເປັນຕົ້ນບໍລິສັດອາດເຮັດການທົດລອງຕັດເງິນຈາກ source of funds ດັ່ງກ່າວ ຂອງຜູ້ໃຊ້ບໍລິການເພື່ອເປັນການຢືນຢັນຕົວຕົນ ແລະ ຈະເຮັດການສົ່ງເງິນຄືນໃຫ້ແກ່ຜູ້ໃຊ້ບໍລິການທັນທີໂດຍຜູ້ໃຊ້ບໍລິ ການບໍ່ຕ້ອງເສຍຄ່າໃຊ້ຈ່າຍໃດໆໝົດ.

4.5 ເມື່ອຜູ້ໃຊ້ບໍລິການເຊື່ອມ source of funds ໄດ້ເຂົ້າກັບບັນຊີ EPS wallet ຂອງຜູ້ໃຊ້ບໍລິການຮຽບຮ້ອຍແລ້ວ ຫາກຜູ້ໃຊ້ບໍລິການເຮັດທຸລະກຳຊຳລະຄ່າສິນຄ້າ ແລະ/ຫຼື ບໍລິການຜ່ານບັນຊີ EPS wallet ຂອງຜູ້ໃຊ້ບໍລິການດ້ວຍ source of funds ດັ່ງກ່າວຜູ້ໃຊ້ບໍລິການຕົກລົງໃຫ້ບໍລິສັດເຮັດການຕັດເງິນຈາກ Source of funds ດັ່ງກ່າວຂອງ ຜູ້ໃຊ້ບໍລິການທີ່ເຊື່ອມກັບບັນຊີ EPS wallet ຂອງຜູ້ໃຊ້ບໍລິການເພື່ອນຳໄປຊຳລະຄ່າສິນຄ້າ ແລະ/ຫຼື ບໍລິການແກ່ຜູ້ຂາຍ ແລະ/ຫຼື ຜູ້ໃຫ້ບໍລິການ.

4.6 ຜູ້ໃຊ້ບໍລິການສາມາດເຮັດທຸລະກຳການເງິນດ້ວຍ source of funds ແຕ່ລະປະເພດໄດ້ພຽງສະເພາະບາງທຸລະກຳ ທີ່ບໍລິສັດກຳນົດເທົ່ານັ້ນ ແລະ ຜູ້ໃຊ້ບໍລິການສາມາດຊຳລະຄ່າສິນຄ້າ ແລະ/ຫຼື ບໍລິການດ້ວຍ source of funds ແຕ່ລະປະເພດໄດ້ພຽງສະເພາະສິນຄ້າ ແລະ/ຫຼື ບໍລິການຂອງຜູ້ຂາຍ ແລະ/ຫຼື ຜູ້ໃຫ້ບໍລິການບາງເຈົ້າທີ່ບໍລິສັດກຳນົດ ເທົ່ານັ້ນທັງນີ້ source of funds ປະເພດບັດເຄດິດ, ບັດເດບິດບໍລິສັດຈະບໍ່ອະນຸຍາດໃຫ້ເຮັດທຸລະກຳດັ່ງຕໍ່ໄປນີ້:
1.ການຊຳລະນີ້ບັດເຄດິດ.
2.ການໂອນເງິນໃຫ້ແກ່ບັນຊີ EPS wallet ອື່ນລະຫວ່າງບຸກຄົນ (peer to peer).
ທັງນີບໍລິສັດຂໍສະຫງວນສິດໃນການປ່ຽນແປງປະເພດຂອງທຸລະກຳລວມເຖິງສິນຄ້າ ແລະ / ຫຼື ບໍລິການທີ່ສາ ມາດເຮັດທຸລະກຳຊຳລະດ້ວຍ source of funds ປະເພດຕ່າງໆໄດ້ໃນອະນາຄົດ.
ນອກຈາກນີ້ໃນກໍລະນີທີ່ຜູ້ໃຊ້ບໍລິການເຮັດທຸລະກຳໂອນເງິນໃຫ້ແກ່ບັນຊີ EPS wallet ອື່ນລະຫວ່າງບຸກຄົນ (peer to peer) ໂດຍໃຊ້ source of funds ປະເພດບັນຊີທະນາຄານທີ່ຜູ້ໃຊ້ບໍລິການເຊື່ອມໄວ້ກັບບັນຊີ EPS wallet ຂອງຜູ້ໃຊ້ບໍລິການ. ຜູ້ໃຊ້ບໍລິການຕົກລົງໃຫ້ບໍລິສັດຮັບເງິນຈາກບັນຊີທະນາຄານດັ່ງກ່າວ ແລະ ເຕີມເງິນເຂົ້າກະ ເປົ໋າເງິນຂອງຜູ້ໃຊ້ບໍລິການກ່ອນ. ຫຼັງຈາກນັ້ນບໍລິສັດຈະດຳເນີນການໂອນເງິນໃຫ້ແກ່ບັນຊີ EPS wallet ອື່ນຕາມ ທີ່ຜູ້ໃຊ້ບໍລິການກຳນົດທັງນີ້ຜູ້ໃຊ້ບໍລິການຕົກລົງຊຳລະຄ່າທຳນຽມການໃຊ້ບໍລິການເຕີມເງິນຕາມອັດຕາທີ່ບໍລິສັດກຳນົດ ສາມາດກວດສອບຄ່າທຳນຽມໄດ້ທີ່ແອັບພີເຄຊັ່ນ EPS wallet.


4.7 ການຍົກເລີກການເຮັດລາຍການ ແລະ ການສົ່ງເງິນຄືນ.

4.7.1 ໃນກໍລະນີທີ່ຜູ້ໃຊ້ບໍລິການຕ້ອງການຍົກເລີກການເຮັດທຸລະກຳຊຳລະສິນຄ້າ ແລະ/ຫຼື ບໍລິການຜູ້ໃຊ້ບໍລິການ ຕ້ອງແຈ້ງຍົກເລີກການເຮັດທຸລະກຳກັບທາງຜູ້ຂາຍ ແລະ/ຫຼື ຜູ້ໃຫ້ບໍລິການໂດຍຕົງຕາມໄລຍະເວລາຄືພາຍໃນ 30 (ສາມສິບ) ມື້ນັບແຕ່ມື້ທີ່ເຮັດລາຍການຊຳລະສິນຄ້າ ແລະ/ຫຼື ບໍລິການດັ່ງກ່າວບໍລິສັດຈະດຳເນີນການຍົກເລີກການ ເຮັດລາຍການຊຳລະຄ່າສິນຄ້າ ແລະ/ຫຼື ບໍລິການພາຍໃນ 7 (ເຈັດ) ມື້ລັດສະການຫຼັງຈາກທີ່ບໍລິສັດໄດ້ເຮັດການ ຍົກເລີກລາຍການບໍລິສັດຈະສົ່ງເງິນຄືນໃຫ້ແກ່ຜູ້ໃຊ້ບໍລິການໄປທີ່ຊ່ອງທາງທີ່ຜູ້ໃຊ້ບໍລິການເລືອກເປັນ source of funds ເທົ່ານັ້ນທັງນີ້ໃນກໍລະນີທີ່ບໍລິສັດບໍ່ສາມາດສົ່ງເງິນຄືນໄປທີ່ຊ່ອງທາງທີ່ຜູ້ໃຊ້ບໍລິການເລືອກໃຊ້ເປັນ Source of funds ດັ່ງກ່າວໄດ້ເຊັ່ນ: ບັນຊີທະນາຄານເປັນຕົ້ນຜູ້ໃຊ້ບໍລິການຕົກລົງ ແລະ ຮັບຮູ້ວ່າບໍລິສັດຈະດຳເນີນການສົ່ງເງິນຄືນ ເຂົ້າກະເປົ໋າເງິນຂອງຜູ້ໃຊ້ບໍລິການແທນໂດຍບໍລິສັດຈະດຳເນີນການສົ່ງເງິນຄືນໃຫ້ແລ້ວສຳເລັດພາຍໃນ 7 (ເຈັດ) ມື້ລັດ ຖະການຢ່າງໃດກໍຕາມໃນກໍລະນີທີ່ຊ່ອງທາງທີ່ຜູ້ໃຊ້ບໍລິການເລືອກໃຊ້ໃນການຊຳລະຄ່າສິນຄ້າ ຫຼື/ແລະ ບໍລິການເປັນ source of funds ອື່ນນອກເໜືອຈາກເງິນໃນກະເປົ໋າເງິນຂອງຜູ້ໃຊ້ບໍລິການຜູ້ໃຊ້ບໍລິການຮັບຮູ້ວ່າທະນາຄານ ຫຼື ສະ ຖາບັນທາງການເງິນ ຫຼື ຜູ້ໃຫ້ບໍລິການບັດເຄດິດ, ບັດເດບິດ, ບັດເອເລັກໂຕນິກຈະດຳເນີນການຍົກເລີກການເຮັດລາຍ ການຊຳລະຄ່າສິນຄ້າ ແລະ/ຫຼື ບໍລິການພາຍໃນ 5 (ຫ້າ) ເຖິງ 45 (ສີ່ສິບຫ້າ) ມື້ລັດຖະການທັງນີ້ຂຶ້ນຢູ່ ກັບນະໂຍບາຍການສົ່ງເງິນຄືນຂອງແຕ່ລະທະນາຄານ ຫຼື ສະຖາບັນທາງການເງິນ ຫຼື ຜູ້ໃຫ້ບໍລິການບັດເດບິດ, ບັດເຄດິດ, ບັດເອເລັກໂທນິກໃນກໍລະນີທີ່ກາຍໄລຍະເວລາທີ່ບໍລິສັດແຈ້ງຂ້າງເທິງໃຫ້ຜູ້ໃຊ້ບໍລິການຕິດຕໍ່ທະນາຄານ ຫຼື ສະຖາບັນການເງິນ ຫຼື ຜູ້ໃຫ້ບໍລິການບັດເຄດິດບັດ, ບັດເດບິດ, ບັດເອເລັກໂຕນິກລວມເຖິງຜູ້ໃຫ້ບໍລິການ source of funds ນັ້ນດ້ວຍຕົນເອງ.

4.7.2 ໃນກໍລະນີທີ່ຜູ້ໃຊ້ບໍລິການເຮັດທຸລະກຳໂອນເງິນໃຫ້ແກ່ບັນຊີ EPS wallet ອື່ນລະຫວ່າງບຸກຄົນ (peer to peer) ສຳເລັດແລ້ວຜູ້ໃຊ້ບໍລິການຕົກລົງ ແລະ ຮັບຮູ້ວ່າບໍ່ສາມາດຍົກເລີການເຮັດລາຍການດັ່ງກ່າວໄດ້.

4.8 ຜູ້ໃຊ້ບໍລິການຮັບຮູ້ວ່າບໍລິສັດເປັນພຽງຜູ້ໃຫ້ບໍລິການໃນການອຳນວຍຄວາມສະດວກໃນການເຮັດທຸລະກຳດ້ວຍ source of funds ທີ່ເຊື່ອມກັບບັນຊີ EPS wallet ຂອງຜູ້ໃຊ້ບໍລິການຕາມຄຳສັ່ງຂອງຜູ້ໃຊ້ບໍລິການເທົ່ານັ້ນ ທັງນີ້ບໍ່ຖືວ່າບໍລິສັດກະທຳການດັ່ງກ່າວໃນຖານະທະນາຄານ ຫຼື ສະຖາບັນການເງິນ ຫຼື ຜູ້ໃຫ້ບໍລິການບັດເຄດິດ, ບັດເດບິດ, ບັດເອັກໂຕນິກ ຫຼື ການໃຫ້ບໍລິການໃນການເຮັດທຸລະກຳດັ່ງກ່າວເປັນການດຳເນີນການເພື່ອໃຫ້ບໍລິການ ທາງການເງິນໃນການໃຫ້ບໍລິການຂອງບໍລິສັດບໍ່ຖືວ່າບໍລິສັດ (1) ໃຫ້ບໍລິການໂອນເງິນໂດຍຕົງໃຫ້ແກ່ຜູ້ໃຊ້ບໍລິການ ແລະ/ຫຼື (2) ການກະທຳທີ່ເປັນ (Trustee) ຜູ້ເບິ່ງແຍງຮັກສາແທນ ຫຼື ຜູ້ບໍລິຫານຜົນປະໂຫຍດໃນເງິນຂອງຜູ້ໃຊ້ ບໍລິການຫາກມີບັນຫາເກີດຂຶ້ນອັນເນື່ອງມາຈາກການໃຊ້ source of funds ແຕ່ລະປະເພດທີ່ຜູກກັບບັນຊີ EPS wallet ຂອງຜູ້ໃຊ້ບໍລິການນອກເໜືອຈາກການເຮັດທຸລະກຳດ້ວຍເງິນຜູ້ໃຊ້ບໍລິການຕົກລົງຕິດຕໍ່ທະນາຄານ ຫຼື ສະຖາ ບັນການເງິນ ຫຼື ຜູ້ໃຫ້ບໍລິການບັດເຄດິດ,ບັດເດບິດ, ບັດເອເລັກໂຕນິກລວມເຖິງຜູ້ໃຫ້ບໍລິການ source of funds ນັ້ນ ແລະ/ຫຼື ດຳເນີນການແກ້ໄຂດ້ວຍຕົນເອງໂດຍບໍລິສັດບໍ່ມີສ່ວນກ່ຽວຂ້ອງທັງໝົດ.

5. ຂໍ້ກຳນົດ ແລະ ເງື່ອນໄຂການໃຊ້ບໍລິການສຳລັບກນຊຳລະເງິນ (Payment Priority)

5.1 ເມື່ອຜູ້ໃຊບໍລິການເຊື່ອມ source of funds ທີ່ເຊື່ອມກັບບັນຊີ EPS wallet ຂອງຜູ້ໃຊ້ບໍລິການຕາມຂັ້ນ ຕອນທີ່ບໍລິສັດກຳນົດສຳເລັດແລ້ວຜູ້ໃຊ້ບໍລິການສາມາດກຳນົດລຳດັບການຫັກເງິນຈາກ source of funds ແຕ່ລະປະ ເພດທີ່ຜູກກັບບັນຊີ EPS wallet ຂອງຜູ້ໃຊ້ບໍລິການໄດ້ໂດຍກຳນົດຜ່ານແອັບພີເຄຊັ່ນ ຫຼື ຊ່ອງທາງອື່ນຕາມ ທີ່ບໍລິສັດກຳນົດ.

5.2 ກໍລະນີທີ່ຜູ້ໃຊ້ເລືອກໃຊ້ບໍລິການຕາມລຳດັບການຊຳລະເງິນ (Payment priority) ກັບການຕັ້ງຄ່າຊຳລະເງິນສິນ ຄ້າ ແລະ ບໍລິການດີຈີທັດບໍລິສັດຈະໃຊ້ການຕັ້ງຄ່າລຳດັບຊຳລະເງິນຕາມບໍລິການນີ້ເປັນເງື່ອນໄຂສຳລັບການກຳນົດການ ຊຳລະຈາກ source of funds ແຕ່ລະປະເພດມີເງື່ອນໄຂດັ່ງນີ້:

5.2.1 ຖ້າຜູ້ໃຊ້ບໍລິການຍັງບໍ່ທັນໃຫ້ລຳດັບການຊຳລະເງິນບໍລິສັດຈະເຮັດການຫັກຍອດເງິນຈາກກະເປົ໋າເງິນຂອງຜູ້ໃຊ້ ບໍລິການເປັນລຳດັບທຳອິດສະເໝີ.

5.2.2 ຜູ້ໃຊ້ບໍລິການບໍ່ສາມາດກຳນົດລຳດັບການຊຳລະເງິນສຳລັບ source of funds ບາງປະເພດຢູ່ໃນລຳດັບກ່ອນ ໜ້າການຫັກເງິນສຳລັບ source of funds ບາງປະເພດໄດ້ທັງນີ້ແມ່ນໃຫ້ເປັນໄປຕາມເງື່ອນໄຂທີ່ບໍລິສັດກຳນົດ.

5.2.3 ໃນກໍລະນີຜູ້ໃຊ້ບໍລິການມີການກຳນົດລຳດັບການຊຳລະເງິນແລ້ວ ບໍລິການລຳດັບການຊຳລະເງິນ (payment priority) ຈະພິຈາລະນາເລືອກ source of funds ທີ່ມີໂອກາດຫັກເງິນສຳເລັດໃຫ້ແກ່ຜູ້ໃຊ້ບໍລິການໂດຍຖ້າມີຫຼາຍ ກ່ວາໜຶ່ງ source of funds ທີ່ມີໂອກາດໃນການຫັກເງິນສຳເລັດບໍລິການລຳດັບການຊຳລະເງິນ (payment priority) ຈະເລືອກໃຊ້ source of funds ທີ່ຜູ້ໃຊ້ບໍລິການຈັດລຳດັບໄວ້ກ່ອນໜ້າສະເໜີ.

5.2.4 ບໍລິສັດອາດມີການກຳນົດຈຳນວນເງິນຂັ້ນຕໍ່າສຳລັບການເຮັດທຸລະກຳດ້ວຍບັນຊີທະນາຄານ (ຫັກເງິນໃນບັນຊີ ທະນາຄານໃນລະບົບໂດຍອັດຕະໂນມັດ ຫຼື Direct Debit) ຜ່ານບໍລິການລຳດັບການຊຳລະເງິນ (payment priority) ໂດຍຖ້າຄ່າສິນຄ້າ ແລະ/ຫຼື ບໍລິການທີ່ຜູ້ໃຊ້ບໍລິການເຮັດລາຍການຊຳລະມີຈຳນວນເງິນຂັ້ນຕໍ່າດັ່ງກ່າວຜູ້ ໃຊ້ບໍລິການຈະໄດ້ຮັບເງິນສ່ວນຕ່າງຈາກການເຮັດລາຍການຊຳລະຄ່າສິນຄ້າ ແລະ/ຫຼື ບໍລິການເຂົ້າບັນຊີ EPS wallet ຂອງຜູ້ໃຊ້ບໍລິການໂດຍລວມເປັນຍອດເງິນໃນກະເປົ໋າເງິນຂອງຜູ້ໃຊ້ບໍລິການແທນ.

5.2.5 ຜູ້ໃຊ້ບໍລິການຮັບຮູ້ ແລະ ຕົກລົງວ່າຖ້າຕ້ອງການນຳເງິນສ່ວນຕ່າງຈາກບັນຊີ EPS wallet ຂອງຜູ້ໃຊ້ບໍລິການ ອອກໄປຍັງບັນຊີທະນາຄານອາດຈະມີຄ່າທຳນຽມເກີດຂຶ້ນຕາມທີ່ບໍລິສັດກຳນົດ.

5.2.6 ຜູ້ໃຊ້ບໍລິການສາມາດເພີ່ມ, ຍົກເລີກ ຫຼື ແກ້ໄຂລຳດັບການຊຳລະເງິນຂອງ source of funds ແຕ່ລະປະເພດ ທີ່ໄດ້ເຮັດການຜູກໄວ້ພາຍໃຕ້ບໍລິການລຳດັບການຊຳລະເງິນ (payment priority) ໄດ້ຕາມຂັ້ນຕອນ ແລະ ວິທີທີ່ບໍລິສັດກຳນົດ (ຍົກເວັ້ນ source of funds ປະເພດກະເປົ໋າເງິນຂອງຜູ້ໃຊ້ບໍລິການຈະບໍ່ສາມາດຍົກເລີກໄດ້).

5.3 ສຳລັບການໃຊ້ບໍລິການ Payment priority ນີ້ຜູ້ໃຊ້ບໍລິການບໍ່ມີໜ້າທີ່ຕ້ອງຊຳລະຄ່າທຳນຽມໃນການໃຊ້ບໍລິການ ແກ່ບໍລິສັດ.

5.4 ຜູ້ໃຊ້ບໍລິການຕົກລົງຍິນຍອມ ແລະ ຮັບຮູ້ວ່າບໍລິສັດອາດຈະລຳດັບການຊຳລະເງິນ (payment priority) ທີ່ກຳນົດລຳດັບການຫັກເງິນຈາກ source of funds ທີ່ຜູ້ໃຊ້ບໍລິການກຳນົດໄວ້ກັບບັນຊີ EPS wallet ຂອງຜູ້ໃຊ້ບໍລິ ການໄປສະແດງເປັນຊ່ອງທາງການຊຳລະເງິນຜ່ານແອັບພີເຄຊັ່ນອື່ນ ຫຼື website ອື່ນທີ່ເປັນຄູ່ຄ້າຂອງບໍລິສັດທັງນີ້ກໍເພື່ອ ອຳນວຍຄວາມສະດວກໃນການຊຳລະຄ່າສິນຄ້າ ແລະ/ຫຼື ບໍລິການຕາມເງື່ອນໄຂທີ່ບໍລິສັດກຳນົດ. ນອກຈາກນີ້ຜູ້ໃຊ້ບໍລິ ການຕົກລົງ ແລະ ຮັບຮູ້ວ່າເມື່ອຜູ້ໃຊ້ບໍລິການຕັ້ງຄ່າບໍລິການລຳດັບການຊຳລະເງິນ (Payment priority) ແລ້ວບໍລິສັດ ຈະໃຊ້ການຕັ້ງຄ່າລຳດັບການຊຳລະເງິນດັ່ງກ່າວໃນການສະແດງລາຍລະອຽດ source of funds ໃນແອັບພີເຄຊັ່ນຂອງ ຜູ້ໃຊ້ບໍລິການເມື່ອຜູ້ໃຊ້ບໍລິການຊຳລະເງິນທີ່ຮ້ານຄ້າເປັນໄປຕາມກົດໝາຍ.


6. ການຍົກເລີກການໃຊ້ບລິການ, ການຍົກເລີກ ແລະ ການລະງັບການໃຫ້ບໍລິການ.

6.1 ໃນກໍລະນີທີ່ຜູ້ໃຊ້ບໍລິການມີຈຸດປະສົງທີ່ຈະຍົກເລີກການໃຊ້ບໍລິການຜູ້ໃຊ້ບໍລິການສາມາດດຳເນີນວິທີການໄດ້ ດ້ວຍວິທີດັ່ງຕໍ່ໄປນີ້:

6.1.1 ຜູ້ໃຊ້ບໍລິການຍົກເລີກບັນຊີ EPS wallet ຂອງຜູ້ໃຊ້ບໍລິການດ້ວຍຕົນຂອງຜູ້ໃຊ້ບໍລິການເອງຜ່ານຊ່ອງທາງແອັບ ພີເຄຊັນໂດຍຜູ້ໃຊ້ບໍລິການຈະຕ້ອງເຮັດຕາມເກນ ແລະ ວິທີການຕາມທີ່ບໍລິສັດກຳນົດ. ຢ່າງໃດກໍຕາມ, ບໍລິສັດຂໍສະ ຫງວນສິດໃນກໍລະນີທີ່ບັນຊີ EPS wallet ຂອງຜູ້ໃຊ້ບໍລິການຕິດເງື່ອນໄຂບາງປະການກັບທາງບໍລິສັດຜູ້ໃຊ້ບໍລິການ ຈະບໍ່ສາມາດດຳເນີນການຍົກເລີກບັນຊີ EPS wallet ດ້ວຍຕົນເອງຜ່ານຊ່ອງທາງນີ້ໄດ້ໃນກໍລະນີທີ່ສາມາດຍົກເລີກ ບັນຊີ EPS wallet ໄດ້ ແລະ ຍັງມີເງິນເຫຼືອໃນກະເປົ໋າເງິນ ແລະ ຜູ້ໃຊ້ບໍລິການມີຈຸດປະສົງຈະໂອນເງິນທີ່ເຫຼືອ ດັ່ງກ່າວອອກໄປຍັງບັນຊີເງິນຝາກທະນາຄານຂອງຜູ້ໃຊ້ບໍລິການ ບໍລິສັດຂໍສະຫງວນສິດໃນການເກັບເງິນຄ່າທຳນຽມອັນ ເນື່ອງມາຈາກການໂອນເງິນດັ່ງກ່າວໃນກໍລະນີທີ່ສາມາດຍົກເລີກບັນຊີ EPS wallet ໄດ້ ແລະ ຍັງມີເງິນເຫຼືອໃນກະເປົ໋າ ເງິນ ແລະ ຜູ້ໃຊ້ບໍລິການບໍ່ມີຈຸດປະສົງຈະໂອນເງິນທີ່ເຫຼືອດັ່ງກ່າວອອກໄປຍັງບັນຊີເງິນຝາກທະນາຄານຂອງຜູ້ໃຊ້ບໍລິ ການວັນທີເຮັດການຍົກເລີກບັນຊີ EPS wallet ບໍລິສັດຈະເກັບຄ່າທຳນຽມຈາກການເກັບຮັກສາເງິນດັ່ງກ່າວໂດຍທີ່ຜູ້ ໃຊ້ບໍລິການສາມາດກວດສອບຄ່າທຳນຽມໄດ້ທີ່ເວັບໄຊທ໌ www.elementpay.io ທັງນີ້ໃນກໍລະນີຜູ້ຂໍໃຊ້ບໍລິການມີ ຈຸດປະສົງຈະຂໍຮັບເງິນໃນກະເປົ໋າເງິນພາຍຫຼັງຜູ້ໃຊ້ບໍລິການມີສິດຂໍຮັບເງິນໃນກະເປົ໋າເງິນເທົ່າທີ່ພາຍຫຼັງບໍລິສັດຫັກຄ່າທຳນຽມໃນການເກັບຮັກສາເງິນພາຍໃນໄລຍະເວລາທີ່ບໍລິສັດກຳນົດດ້ວຍການແຈ້ງໃຫ້ບໍລິສັດຮັບຮູ້ລ່ວງໜ້າຜ່ານຊ່ອງທາງທີ່ບໍລິສັດກຳນົດ ແລະ ດຳເນີນການຕາມທີ່ບໍລິສັດກຳນົດ.

6.1.2 ຜູ້ໃຊ້ບໍລິການແຈ້ງຈຸດປະສົງດ້ວຍຕົນເອງຜ່ານຊ່ອງທາງ +856-20-56-996-464 ແລະ ດຳເນີນການຕາມທີ່ ບໍລິສັດກຳນົດຖ້າຍັງມີເງິນເຫຼືອຈາກກະເປົ໋າເງິນຂອງຜູ້ໃຊ້ບໍລິການ ແລະ ຜູ້ໃຊ້ບໍລິການບໍ່ໄດ້ປະຕິບັດຜິດຕາມເງື່ອນໄຂ ການໃຫ້ບໍລິການສະບັບນີ້ບໍລິສັດຈະດຳເນີນການສົ່ງເງິນຄືນເທົ່າທີ່ຍັງເຫຼືອໃຫ້ຜູ້ໃຊ້ບໍລິການພາຍຫຼັງຈາກການຫັກຄ່າທຳນຽມທັງໝົດ (ຖ້າມີ) ພາຍໃນໄລຍະເວລາທີ່ບໍລິສັດກຳນົດແຕ່ບໍ່ເກີນ 15 (ສິບຫ້າ) ມື້ລັດສະການໂດຍໂອນໄປຍັງບັນຊີ ເງິນຝາກທະນາຄານຂອງຜູ້ໃຊ້ບໍລິການຕາມລາຍລະອຽດຕາມທີ່ຜູ້ໃຊ້ບໍລິການໄດ້ແຈ້ງລາຍລະອຽດໃຫ້ບໍລິສັດຮັບຮູ້ ແລະ ບໍລິສັດຂໍສະຫງວນເກັບເງິນຄ່າທຳນຽມອັນເນື່ອງມາຈາກການໂອນເງີນດັ່ງກ່າວ (ຖ້າມີ).

6.1.3 ຜູ້ໃຊ້ບໍລິການອາດມີຈຸດປະສົງແຈ້ງໃນຊ່ອງທາງອື່ນຕາມທີ່ບໍລິສັດກຳນົດ ແລະ ດຳເນີນການຕາມວິທີການທີ່ ບໍລິສັດກຳນົດ ທັງນີ້ຜູ້ໃຊ້ບໍລິການຕົກລົງບໍໄລ່ດອກເບ້ຍ ຫຼື ຄ່າຕອບແທນໃດໆຈາກບໍລິສັດອັນເນື່ອງມາຈາກການຍົກ ເລີກໃຊ້ບໍລິການຂ້າງເທິງ.

6.2 ບໍລິສັດຂໍສະຫງວນສິດໃນການຍົກເລີກບໍລິການ ຫຼື ລະງົບການໃຫ້ບໍລິການ ຫຼື ປິດບັນຊີ EPS wallet ຂອງຜູ້ໃຊ້ ບໍລິການໂດຍບໍ່ຈຳເປັນແຈ້ງໃຫ້ຜູ້ໃຊ້ບໍລິການຮັບຮູ້ລ່ວງໜ້າໃນກໍລະນີດັ່ງຕໍ່ໄປນີ້:

6.2.1 ຜູ້ໃຊ້ບໍລິການໃຊ້ເອກະສານປອມ ຫຼື ສະແດງຂໍ້ຄວາມປອມໃນການລົງທະບຽນສະໝັກບັນຊີ EPS wallet ລວມເຖິງການແຈ້ງຂໍ້ມູນ ຫຼື ສະແດງຫຼັກຖານປອມ ຫຼື ສະແດງເອກະສານຫຼັກຖານບໍ່ຄົບຖ້ວນຕາມທີ່ບໍລິສັດຮຽກຮ້ອງ ຫຼື

6.2.2 ຜູ້ໃຊ້ບໍລິການເສຍຊີວິດ ຫຼື

6.2.3 ຜູ້ໃຊ້ບໍລິການເປັນຜູ້ທີ່ອົງກອນ ຫຼື ໜ່ວຍງານລັດມີຄຳສັ່ງໃຫ້ຍືດ ຫຼື ອາຍັດຊັບສິນ ຫຼື ເປັນບຸກຄົນທີ່ຖືກກຳນົດ ຫຼື ຖືກກ່າວຫາ ຫຼື ຖືກເປັນຜູ້ເຮັດຄວາມຜິດຕາມກົດໝາຍ ຫຼື

6.2.4 ບໍລິສັດມີເຫດຜົນສົງໄສວ່າຜູ້ໃຊ້ບໍລິການກະທຳຄວາມຜິດ ຫຼື ພະຍາຍາມກະທຳຄວາມຜິດຕາມກົດໝາຍກຳນົດ ຫຼື ເຮັດສິ່ງໃດໆທີ່ກໍ່ໃຫ້ເກີດຄວາມເສຍຫາຍກັບບໍລິສັດ ຫຼື ບຸກຄົນອື່ນໆ ຫຼື

6.2.5 ກໍລະນີທີ່ເບີໂທລະສັບທີ່ລົງທະບຽນໄວ້ກັບບໍລິສັດຖືກຍົກເລີກບໍ່ວ່າດ້ວຍເຫດຜົນໃດກໍຕາມ ແລະ ເມື່ອບໍລິສັດ ໄດ້ຮັບແຈ້ງເຖິງຂໍ້ມູນຂອງການໃຊ້ບໍລິການເບີໂທລະສັບດັ່ງກ່າວພ້ອມດ້ວຍຫຼັກຖານທີ່ກ່ຽວຂ້ອງ ຫຼື

6.2.6 ຜູ້ໃຊ້ບໍລິການຊາວຕ່າງຊາດທີ່ມີທີ່ຢູ່ ແລະ ອາຊີບບາງປະເພດທີ່ບໍລິສັດກຳນົດ

6.2.7 ຜູ້ໃຊ້ບໍລິການປະພຶດຜິດເງື່ອນໄຂໃດເງື່ອນໄຂໜຶ່ງທີ່ໄດ້ກຳນົດໄວ້ໃນເງື່ອນໄຂການໃຫ້ບໍລິການນີ້ ຫຼື

6.2.8 ຜູ້ໃຊ້ບໍລິການບໍ່ໄດ້ເຂົ້າໃຊ້ບໍລິການຕິດຕໍ່ກັນເປັນເວລາດົນກວ່າ 6 (ຫົກ) ເດືອນນັບແຕ່ການເຂົ້າໃຊ້ບໍລິການຄັ້ງ ລ່າສຸດ.

6.2.9 ຜູ້ໃຊ້ບໍລິການຊາວຕ່າງຊາດທີ່ໜັງສືເດີນທາງໝົດອາຍຸແລ້ວຂະນະເຂົ້າໃຊ້ບໍລິການ ຫຼື

6.2.10 ເງິນໃນກະເປົ໋າເງີນຂອງຜູ້ໃຊ້ບໍລິການບໍ່ພຽງພໍໃຫ້ບໍລິສັດຫັກຄ່າທຳນຽມຕາມຈຳນວນທີ່ບໍລິສັດເອີ້ນເກັບ.

6.2.11 ບໍລິສັດຮັບຮູ້ວ່າຜູ້ໃຊ້ບໍລິການຕົກເປັນຄົນຜູ້ທີ່ບໍ່ມີຄວາມສາມາດ ຫຼື ຜູ້ທີ່ກົດໝາຍລະບຸວ່າເປັນຜູ້ຄ້າຍຄືຄົນຜູ້ທີ່ ບໍ່ມີຄວາມສາມດ ແລະ ບໍ່ໄດ້ຮັບຄວາມຍິນຍອມຈາກ ຫຼື ການເບິ່ງແຍ່ງແທນໂດຍຜູ້ເບິ່ງແຍງທາງກົດໝາຍຂອງຜູ້ ໃຊ້ບໍລິການໃນການສະໝັກ ແລະ ໃຊ້ບໍລິການຕາມເງື່ອນໄຂການບໍລິການນີ້ທັງນີ້ບໍລິສັດຈະບໍ່ມີສ່ວນກ່ຽວຂ້ອງ ຫຼື ຮັບ ຜິດຊອບໃນຄວາມເສຍຫາຍທີ່ອາດເກີດຂຶ້ນທັງໝົດອັນເນື່ອງມາຈາກການລະງັບ ແລະ/ຫຼື ຍົກເລີກການໃຊ້ບໍລິການ ດັ່ງກ່າວ.

ນອກຈາກນີ້ໃນກໍລະນີທີ່ບໍລິສັດມີເຫດຜົນການສົງໄສອັນສົມຄວນ ຫຼື ບໍລິສັດມີຄວາມຈຳເປັນທີ່ຈະຕ້ອງ ປະຕິບັດຕາມກົດໝາຍໃດໆບໍລິສັດອາດຕິດຕໍ່ເພື່ອຂໍໃຫ້ຜູ້ໃຊ້ບໍລິການຊີ້ແຈ້ງຂໍ້ມູນ, ນຳສົ່ງເອກະສານ, ຫຼັກຖານ ຫຼື ເອກະສານໃດໆເພີ່ມເຕີມຈາກຜູ້ໃຊ້ບໍລິການແລ້ວ ແລະ ບໍລິສັດເຫັນວ່າຜູ້ໃຊ້ບໍລິການເຂົ້າຄາຍລັກສະນະໃດລັກສະນະ ໜຶ່ງທີ່ລະບຸຂ້າງເທິງ ຫຼື ບໍລິສັດຈຳເປັນຕ້ອງຍຸດຕິຄວາມສຳພັນກັບຜູ້ໃຊ້ບໍລິການຕາມເຫດຜົນທາງກົດໝາຍບໍລິສັດ ຂໍສະຫງວນສິດດຳເນີນການຍົກເລີກການໃຫ້ບໍລິການ ຫຼື ລະງັງການໃຫ້ບໍລິການທັນທີ.


6.3 ໃນກໍລະນີທີ່ບໍລິສັດໃຊ້ສິດຍົກເລີກການບໍລິການ ຫຼື ລະງັບການໃຫ້ບໍລິການຕາມຂໍ້ 6.2 ຂ້າງເທິງບໍລິສັດມີສິດດຳ ເນີນການດັ່ງຕໍ່ໄປນີ້:

ຖ້າບັນຊີ EPS wallet ຂອງຜູ້ໃຊ້ບໍລິການບໍ່ມີເງິນເຫຼືອຢູ່ກະເປົ່າເງິນ ຫຼື ເງິນໃນກະເປົ໋າເງິນດັ່ງກ່າວຂອງຜູ້ໃຊ້ ບໍລິການບໍ່ພຽງພໍຕໍ່ການຊຳລະຄ່າທຳນຽມໃນການຮັກສາບັນຊີບໍລິສັດຈະຮັກເງິນໃນກະເປົ່າເງິນຂອງຜູ້ໃຊ້ບໍລິການເທົ່າທີ່ມີຢູ່ເປັນຄ່າທຳນຽມຮັກສາບັນຊີ ແລະ ຍົກເລີກການໃຫ້ບໍລິການທັນທີ ຫຼືຖ້າບັນຊີ EPS wallet ຂອງຜູ້ໃຊ້ບໍລິການ ມີເງິນເຫຼືອຢູ່ກະເປົ໋າເງິນຂອງຜູ້ໃຊ້ບໍລິການໄວ້ ແລະ ເກັບຄ່າທຳນຽມຮັກສາບັນຊີ ແລະ/ຫຼື ຄ່າທຳນຽມເກັບຮັກສາເງິນ ຈາກບັນຊີຂອງຜູ້ໃຊ້ບໍລິການ (ແລ້ວແຕ່ກໍລະນີ) ໂດຍຜູ້ໃຊ້ບໍລິການສາມາດກວດສອບອັດຕາຄ່າທຳນຽມໄດ້ທີ່ເວັບໄຊທ໌ www.elementpay.io ຜູ້ໃຊ້ບໍລິການມີສິດໃນການຂໍຮັບເງິນໃນກະເປົ໋າເງິນທີ່ເຫຼືອຈາກບໍລິສັດພາຍຫຼັງທີ່ຫັກຄ່າທຳ ນຽມໃນການຮັກສາບັນຊີ ແລະ/ຫຼື ຄ່າທຳນຽມໃນການຮັກສາເງິນຕາມໄລຍະເວລາທີ່ບໍລິສັດກຳນົດໂດຍບໍ່ໄລ່ດອກເບ້ຍ ຫຼື ຄ່າທຳນຽມໃດໆກັບບໍລິສັດດ້ວຍການແຈ້ງໃຫ້ບໍລິສັດຮັບຮູ້ລ່ວງໜ້າຜ່ານຊ່ອງທາງທີ່ບໍລິສັດກຳນົດທັງນີ້ຖ້າກາຍເວລາ ດັ່ງກ່າວບໍລິສັດຂໍສະຫງວນສິດດຳເນີນຕາມນະໂຍບາຍຂອງບໍລິສັດໃນກໍລະນີທີ່ມີການຂໍຮັບເງິນໃນກະເປົ໋າເງິນຄືນບໍລິ ສັດຈະມີການກວດສອບຄວາມຖືກຕ້ອງ ແລະ ດຳເນີນການໂອນເງິນຄືນເທົ່າທີ່ຍັງເຫຼືອໃນກະເປົ໋າເງິນຂອງຜູ້ໃຊ້ບໍລິການ ໂດຍໂອນໄປຍັງບັນຊີທະນາຄານຂອງຜູ້ໃຊ້ບໍລິການ ຫຼື ບັນຊີ EPS wallet ໃໝ່ຂອງຜູ້ໃຊ້ບໍລິການຕາມລາຍລະອຽດ ທີ່ຜູ້ໃຊ້ບໍລິການໄດ້ແຈ້ງໃຫ້ບໍລິສັດຮັບຮູ້ໂດຍເປັນໄປຕາມວິທີ ແລະ ເງື່ອນໄຂທີ່ບໍລິສັດກຳນົດບໍລິສັດຂໍສະຫງວນສິດ ໃນການເກັບຄ່າທຳນຽມອັນເນື່ອງມາຈາກການໂອນເງິນດັ່ງກ່າວ (ຖ້າມີ).

10. ຄຳຮັບຮອງຂອງຜູ້ໃຊ້ບໍລິການ

10.1 ກໍລະນີທີ່ຜູ້ໃຊ້ບໍລິການມີສັນຊາດລາວຜູ້ໃຊ້ບໍລິການຮັບຮອງວ່າຜູ້ໃຊ້ບໍລິການເປັນຜູ້ທີ່ມີຄວາມສາມາດຕາມກົດ ໝາຍ ຫຼື ໄດ້ຮັບຄວາມຍືນຍອມຕາມກົດໝາຍໃນການສະໝັກ ແລະ ໃຊ້ບໍລິການລວມທັງຍືນຍອມຜູກພັນຕາມ ເງື່ອນໄຂການໃຫ້ບໍລິການສະບັບນີ້ ແລະ/ຫຼື ການເຂົ້າເຮັດສັນຍາໃດໆທີ່ກ່ຽວຂ້ອງກັບການໃຊ້ບໍລິການຖ້າຫາກຜູ້ເບິ່ງ ແຍງຕາມກົດໝາຍຂອງຜູ້ໃຊ້ບໍລິການເຊິ່ງເປັນເຈົ້າຂອງບັນຊີ EPS wallet ທ່ານຕົກລົງສະໝັກໃຊ້ບໍລິການ ແລະ ຍິນຍອມຜູກພັນຕາມເງື່ອນໄຂການໃຫ້ບໍລິການສະບັບນີ້ ແລະ/ຫຼື ການເຂົ້າເຮັດສັນຍາໃດໆທີ່ກ່ຽວຂ້ອງກັບການ ໃຊ້ບໍລິການໃນນາມຂອງຜູ້ໃຊ້ບໍລິການຜູ້ເຊິ່ງເປັນເຈົ້າຂອງບັນຊີ EPS wallet ກໍລະນີຜູ້ໃຊ້ບໍລິການເປັນຊາວຕ່າງຊາດ ຜູ້ໃຊ້ບໍລິການຮັບຮອງວ່າຜູ້ໃຊ້ບໍລິການມີອາຍຸ 15 (ສິບຫ້າ) ປີແລ້ວ ແລະ ເປັນຜູ້ທີ່ມີຄວາມສາມາດໃນການຜູກພັນ ຕາມເງື່ອນໄຂການໃຫ້ບໍລິການສະບັບນີ້ ແລະ/ຫຼື ການເຂົ້າເຮັດສັນຍາໃດໆທີ່ກ່ຽວຂ້ອງກັບການບໍລິການໂດຍເປັນໄປ ຕາມກົດໝາຍໃນປະເທດຂອງຕົນເອງກຳນົດທັງນີ້ຜູ້ໃຫ້ບໍລິການ ແລະ/ຫຼື ຜູ້ເບິ່ງແຍງຕາມກົດໝາຍຂອງຜູ້ໃຊ້ບໍລິການ ເຂົ້າໃຈດີວ່າຜູ້ໃຊ້ບໍລິການຕ້ອງຮັບຜິດຊອບຕໍ່ຜົນທາງການເງິນ ຫຼື ຜົນອື່ນໄດ້ທີ່ເກີດຂຶ້ນ ຫຼື ອາດເກີດຂຶ້ນອັນເນື່ອງ ມາຈາກການໃຊ້ບໍລິການຜູ້ໃຊ້ບໍລິການເປັນຜູ້ກະທຳ ຫຼື ຜູ້ທີ່ໃຊ້ບໍລິການ ແລະ/ຫຼື ຜູ້ເບິ່ງແຍງຕາມກົດໝາຍຂອງຜູ້ໃຊ້ ບໍລິການອານຸຍາດໃຫ້ບຸກຄົນທີ່ສາມໃຊ້ຂໍ້ມູນການລົງທະບຽນ, ລະຫັດຜ່ານ ຫຼື ຂໍ້ມູນອື່ນໄດ້ຂອງຜູ້ໃຊ້ບໍລິການ.

10.2 ຜູ້ໃຊ້ບໍລິການຮັບຮອງວ່າຈະບໍ່ໃຊ້ບໍລິການໃນການເຮັດທຸລະກຳທາງການເງິນທີ່ມີວັດຖຸປະສົງອັນບໍ່ຖືກຕ້ອງຕາມ ກົດໝາຍບໍ່ວ່າຈະເປັນການພະນັນ, ການຄ້າບໍລິການ, ການຟອກເງິນ ຫຼື ເອົາບັນຊີ EPS wallet ໄປສະແຫວງຫາຜົນ ປະໂຫຍດບໍ່ວ່າຈະເພື່ອປະໂຫຍດຂອງຜູ້ໃຊ້ບໍລິການ ແລະ / ຫຼື ບຸກຄົນອື່ນເຊິ່ງມີລັກສະນະເປັນຕົວແທນຮັບຊຳລະເງິນ ຫຼື ມີລັກສະນະເປັນຊ່ອງທາງການຝາກ ແລະ ຖອນເງິນສົດ ຫຼື ນຳໄປປະກອບທຸລະກິດໃນຮູບແບບຕ່າງໆລວມເຖິງ ການກະທຳເຊິ່ງມີລັກສະນະຝ່າຝືນຕໍ່ຄວາມສະຫງົບການລະເມີດຊັບສິນທາງປັນຍາຂອງຜູ້ອື່ນ ຫຼື ເປັນການກະທຳຜິດ ທາງກົດໝາຍອື່ນໃດ. ພະຍາຍາມເຂົ້າສູ່ແອັບພີເຄຊັ່ນ ຫຼື ເຄືອຂ່າຍທີ່ເຊື່ອມຕໍ່ກັບແອບພິເຄຊັນເຮັດໃຫ້ເກີດຄວາມ ເສຍຫາຍ ຫຼື ເຮັດໃຫ້ເກີດການລົບກວນກັບການໃຊ້ງານຂອງບຸກຄົນອື່ນ. ພະຍາຍາມເຂົ້າສູ່ແອັບພີເຄຊັ່ນ ຫຼື ເຄືອຂ່າຍທີ່ເຊື່ອມຕໍ່ແອບພິເຄຊັນໂດຍປັດສະຈາກການອະນຸຍາດບໍ່ວ່າຈະດ້ວຍວິທີການເຈາະລະບົບ (hacking), ການລັກລອບ, ການກັອບປີ້ ຫຼື ທຳລາຍຂໍ້ມູນສ່ວນໂຕ (password mining) ຫຼື ວິທີການອື່ນດັ່ງນັ້ນຖ້າເກີດຄວາມ ເສຍຫາຍໃດໄດ້ເກີດຂຶ້ນແກ່ບໍລິສັດ ຫຼື ບໍລິສັດຖືກຮຽກຮ້ອງໃຫ້ຮັບຜິດຊອບໃດຈາກການທີ່ຜູ້ໃຊ້ບໍລິການເຮັດທຸລະກຳ ທາງການເງິນຜ່ານບໍລິການຂອງບໍລິສັດເພື່ອຈຸດປະສົງດັ່ງກ່າວຂ້າງເທິງ ຫຼື ຈາກການທີ່ຜູ້ໃຊ້ບໍລິການກະທຳການໃດ ອັນກ່ຽວຂ້ອງກັບແອັບພີເຄຊັ່ນຂ້າງເທິງ ຫຼື ຈາກການທີ່ຜູ້ໃຊ້ບໍລິການກະທຳການໃດອັນກ່ຽວຂ້ອງກັບແອັບພີເຄຊັ່ນ ດັ່ງກ່າວຂ້າງເທິງບໍລິສັດມີສິດລະງັບ ຫຼື ຍົກເລີກການໃຫ້ບໍລິການໄດ້ທັນທີແຕ່ຜູ້ໃຊ້ບໍລິການຈະຕ້ອງຮັບຜິດຊອບ ຊົດເຊີຍຄ່າເສຍຫາຍແກ່ບໍລິສັດທຸກປະການທັງນີ້ບໍລິສັດບໍ່ມີສ່ວນກ່ຽວຂ້ອງ ຫຼື ຮັບຜິດຊອບໃນຄວາມເສຍຫາຍທັງໝົດ ທີ່ຈະເກີດຂຶ້ນ.

10.3 ຜູ້ໃຊ້ບໍລິການຮັບຮອງວ່າຂໍ້ມູນທີ່ໃຫ້ແກ່ບໍລິສັດຕາມຂໍ້ 2.1 ຂອງເງື່ອນໄຂການໃຫ້ບໍລິການສະບັບນີ້ ແລະ ຂໍ້ມູນ ອື່ນໄດ້ທີ່ຜູ້ໃຊ້ບໍລິການສົ່ງມອບໃຫ້ແກ່ບໍລິສັດເປັນຂໍ້ມູນທີ່ຖືກຕ້ອງທຸກປະການຫາກບໍລິສັດພົບວ່າຜູ້ໃຊ້ບໍລິການປອມ ແປງຂໍ້ມູນເອກະສານ ແລະ/ຫຼື ປອມແປງເປັນບຸກຄົນໃດບໍ່ວ່າບຸກຄົນນັ້ນຈະຍິ່ງຍອມ ຫຼື ບໍ່ສະໝັກໃຈໃນການສະໝັກ ໃຊ້ບໍລິການນີ້ບໍລິສັດຂໍສະຫງວນຊີດລະງັບ ຫຼື ຍົກເລີການໃຫ້ບໍລິການໄດ້ທັນທີ ແລະ ຜູ້ໃຊ້ບໍລິການຈະຕ້ອງຮັບຜິດ ຊອບສົດຊາຍຄ້າເສຍຫາຍໃຫ້ແກ່ບໍລິສັດທຸກປະການໃນຄັ້ງນີ້ບໍ່ວ່າຜູ້ໃຊ້ບໍລິການຈະມີເຈດຕະນາ ຫຼື ບໍ່ເຈດຕະນາກໍຕາມ.

10.4 ຜູ້ໃຊ້ບໍລິການຮັບຮອງວ່າໃນຂະນະທີ່ຜູ້ໃຊ້ບໍລິການທຳການຢືນຢັນຕົວຕົນຜ່ານຂະບວນການກວດສອບຂໍ້ມູນການ ຈົດຈຳໃບໜ້າ (Biometric face recognition) ຕາມຂະບວນການລະບຸຢືນຢັນ ແລະ ພິສູດໃຫ້ຮູ້ຕົວຕົນຂອງບໍລິສັດ ຜູ້ໃຊ້ບໍລິການໄດ້ດຳເນີນການດັ່ງກ່າວດ້ວຍຕົນເອງບໍ່ແມ່ນຄູ່ແຝດ ຫຼື ບຸກຄົນອື່ນໃດທີ່ມີຮູບລັກສະນະຄ້າຍຄືຜູ້ໃຊ້ບໍລິ ການທັງນີ້ຜູ້ໃຊ້ບໍລິການຮັບຮອງວ່າການເຮັດລາຍການໃດໆໂດຍບັນຊີ EPS wallet ຂອງຜູ້ໃຊ້ບໍລິການຜ່ານຂະບວນ ການກວດສອບຂໍ້ມູນການຈົດຈຳໃບໜ້າ (biometric face recognition) ເປັນການກະທຳຂອງຜູ້ໃຊ້ບໍລິການເອງ ແລະ ລາຍການດັ່ງກ່າວເປັນລາຍການທີ່ຖືກຕ້ອງຄົບຖ້ວນຖ້າມີຄວາມເສຍຫາຍເກີດຂຶ້ນຈາກການກະທຳລາຍການດັ່ງ ກ່າວຜູ້ໃຊ້ບໍລິການຮັບຮູ້ວ່າບໍລິສັດບໍ່ຕ້ອງຮັບຜິດຊອບໃນຄວາມເສຍຫາຍໃດໆທັງໝົດ.

10.5 ເພື່ອວັດຖຸປະສົງໃນການຢືນຢັນພິສູດຕົວຕົນຜູ້ໃຊ້ບໍລິການຮັບຮອງວ່າບັດປະຈຳຕົວທີ່ໃຊ້ໃນການຢືນຢັນຕົວຕົນ ຕາມຂະບວນການລະບຸຢັ້ງຢືນ ແລະ ພິສູດໃຫ້ຮັບຮູ້ຕົວຕົນເປັນບັດປະຈຳຕົວຂອງຜູ້ໃຊ້ບໍລິການທີ່ລະບຸຂໍ້ມູນສ່ວນຕົວ ທີ່ຖືກຕ້ອງແທ້ຈິງປະຈຸບັນຂອງຜູ້ໃຊ້ບໍລິການໂດຍຮູບທີ່ປາກົດໃນບັດປະຈຳຕົວແມ່ນສະແດງເຖິງລັກສະນະປະຈຸບັນ ຂອງຜູ້ໃຊ້ບໍລິການບໍ່ໄດ້ມີຄວາມແຕກຕ່າງອັນເນື່ອງມາຈາກການເຮັດໄສຍະກຳຕົບແຕ່ງ ຫຼື ການກະທຳອື່ນໃດທີ່ເຮັດ ໃຫ້ຮູບລັກສະນະຂອງຜູ້ໃຊ້ບໍລິການປ່ຽນໄປ ແລະ ສາມາດບົ່ງບອກເຖິງຕົວຕົນ ແລະ ລັກສະນະຂອງຜູ້ໃຊ້ ບໍລິການຈິງໄດ້ໃນຂະນະທີ່ຜູ້ໃຊ້ບໍລິການດຳເນີນການຢືນຢັນຕົວຕົນຂັ້ນຕອນທີ່ບໍລິສັດກຳນົດທັງນີ້ຖ້າຫາກຮູບລັກສະນະຂອງຜູ້ໃຊ້ບໍລິການປ່ຽນແປງໄປອັນເນື່ອງມາຈາກການກະທຳຂ້າງເທິງສົ່ງຜົນໃຫ້ລະບົບຢືນຢັນ ແລະ ພິສູດຕົວຕົນບໍ່ ສາມາດກວດສອບໄດ້ວ່າເປັນບຸກຄົນດຽວກັນຜູ້ໃຊ້ບໍລິການຕົກລົງ ແລະ ຮັບຮູ້ວ່າບໍລິສັດມີສິດປະຕິເສດການ ເປີດໃຊ້ບໍລິການ ຫຼື ລະງັບການໃຫ້ບໍລິການຂອງຜູ້ໃຊ້ບໍລິການຕົກລົງຈະບໍ່ຍົກເອົາເຫດຜົນດັ່ງກ່າວເປັນຂໍ້ຮຽກຮ້ອງ ຫຼື ດຳເນີນການອື່ນໃດກັບບໍລິສັດ.

10.6 ຜູ້ໃຊ້ບໍລິການຮັບຮອງວ່າຕົກລົງຜູກພັນປະຕິບັດຕາມ ແລະ ໃຫ້ຄວາມຮ່ວມມືລວມເຖິງຕົກລົງຈັດກຽມຂໍ້ມູນ ແລະ/ຫຼື ຈັດສົ່ງເອກະສານຫຼັກຖານ ຫຼື ເອກະສານໃດໆທີ່ບໍລິສັດຮຽກຮ້ອງຂໍໃຫ້ສົ່ງເພີ່ມເຕີມເພື່ອວັດຖຸປະສົງໃນ ການພິຈາລະນາໃຫ້ເປີດໃຊ້ບໍລິການ, ໃຫ້ບໍລິການເຮັດທຸລະກຳໃດໆ ຫຼື ເພື່ອປະຕິບັດຕາມຂໍ້ກຳນົດການຂອງທະນາຄານ ແຫ່ງປະເທດລາວ, ສຳນັກງານປ້ອງກັນ ແລະ ປາບປາມການຟອກເງິນ ຫຼື ໜ່ວຍງານທາງກົດໝາຍໃດໆ ທີ່ກ່ຽວຂ້ອງກັບການດຳເນີນການຕາມເງື່ອນໄຂການໃຫ້ບໍລິການສະບັບນີ້ທັງທີ່ມີຢູ່ໃນປະຈຸບັນ ແລະ/ຫຼື ທີ່ຈະເກີດຂຶ້ນ ໃນພາຍພາກໜ້າຢ່າງເຄັ່ງຂັດ.

10.7 ຜູ້ໃຊ້ບໍລິການຮັບຮອງວ່າເປັນເຈົ້າຂອງບັນຊີ EPS wallet ເຊິ່ງເປັນຜູ້ໄດ້ຮັບຜົນປະໂຫຍດທີ່ແທ້ຈິງໃນການ ໃຊ້ບັນຊີ EPS wallet ທີ່ໄດ້ລົງທະບຽນເປີດບັນຊີ EPS wallet ພາຍໃຕ້ຊື່ຂອງຜູ້ໃຊ້ບໍລິການໂດຍມີວັດຖຸປະສົງ ໃນການໃຊ້ບໍລິການເພື່ອປະໂຫຍດຂອງຕົນເອງເທົ່ານັ້ນບໍ່ມີບຸກຄົນອື່ນທີ່ມີອຳນາດຄວບຄຸມບັບຊີ EPS wallet ດັ່ງກ່າວ ທັງນີ້ໃນກໍລະນີທີ່ຜູ້ໃຊ້ບໍລິການມີຈຸດປະສົງທີ່ຈະປ່ຽນແປງຂໍ້ມູນທີ່ກ່ຽວຂ້ອງກັບຜູ້ໄດ້ຮັບຜົນປະໂຫຍດທີ່ແທ້ຈິງຂອງຜູ້ ໃຊ້ບໍລິການຜູ້ໃຊ້ບໍລິການສາມາດແຈ້ງວັດຖຸປະສົງປ່ຽນແປງຂໍ້ມູນດ້ວຍຕົນເອງຜ່ານຊ່ອງທາງທີ່ບໍລິສັດກຳນົດຜູ້ໄດ້ຮັບ ຜົນປະໂຫຍດທີ່ແທ້ຈິງໝາຍເຖິງບຸກຄົນທຳມະດາເຊິ່ງເປັນເຈົ້າຂອງທີ່ແທ້ຈິງໃນບັນຊີ EPS wallet ທີ່ຜູ້ໃຊ້ບໍລິການ ໄດ້ລົງທະບຽນເປີດບັນຊີ EPS wallet ໄວ້ ຫຼື ມີອຳນາດຄວບຄຸມບັນຊີ EPS wallet ທີ່ຜູ້ໃຊ້ບໍລິການໄດ້ລົງທະ ບຽນເປີດບັນຊີ EPS wallet ໄວ້ ຫຼື ຜູ້ໃຊ້ບໍລິການເຮັດທຸລະກຳແທນລວມເຖິງບຸກຄົນຜູ້ໃຊ້ອຳນາດຄວບຄຸມນິຕິບຸກ ຄົນ ຫຼື ບຸກຄົນທີ່ມີການຕົກລົງກັນທາງກົດໝາຍ.


11. ຂໍ້ຈຳກັດຄວາມຮັບຜິດຊອບຂອງບໍລິສັດ.

11.1 ບໍລິສັດຈະໃຫ້ບໍລິການຢ່າງດີທີ່ສຸດເພື່ອໃຫ້ຜູ້ໃຊ້ບໍລິການໄດ້ຮັບບໍລິການທີ່ເພິ່ງພໍໃຈດັ່ງນັ້ນຖ້າຫາກການໃຫ້ ບໍລິການໃດໆຂອງບໍລິສັດເກີດຄວາມຜິດພາດຊັກຊ້າບໍ່ວ່າຈະເກີດຈາກລະບົບຄອມພິວເຕີ, ລະບົບອິນເຕີເນັດ, ອຸປະ ກອນອີເລັກໂທນິກຕ່າງໆ ຫຼື ລະບົບອື່ນໃດທີ່ກ່ຽວຂ້ອງກັບການໃຫ້ບໍລິການລວມທັງລະບົບເຄືອຂ່າຍໂທລະສັບ ແລະ ບໍ່ວ່າຈະເກີດຈາກເຫດຜົນໃດຜູ້ໃຊ້ບໍລິການຕົກລົງບໍ່ຍົກເອົາເຫດຜົນດັ່ງກ່າວມາເປັນຂໍ້ຮຽກຮ້ອງຄ່າເສຍຫາຍໃດຈາກບໍລິສັດ.

11.2 ຜູ້ໃຊ້ບໍລິການຕົກລົງບໍ່ພຽງຜູ້ໃຫ້ບໍລິການໃນການອຳນວຍຄວາມສະດວກໃນການຊຳລະ ແລະ/ຫຼື ຮັບຊຳລະ ຄ່າສິນຄ້າ ແລະ/ຫຼື ຄ່າບໍລິການ ແລະ ເຮັດທຸລະກຳຕາມຄຳສັ່ງຂອງຜູ້ໃຊ້ບໍລິການດັ່ງນັ້ນມີບັນຫາເກີດຂຶ້ນກັບສິນຄ້າ ແລະ/ຫຼື ບໍລິການ ຫຼື ມີຄວາມສຳຫຼຸດບົກພ່ອງຂອງສິນຄ້າ ແລະ/ຫຼື ບໍລິການ ຫຼື ເກີດຂໍ້ຜິດພາດໃດໆຜູ້ໃຊ້ບໍລິການ ຕ້ອງຕິດຕໍ່ຫາຜູ້ຂາຍ ແລະ/ຫຼື ຜູ້ໃຫ້ບໍລິການຂອງສິນຄ້າ ແລະ/ຫຼື ບໍລິການເຫຼົ່ານັ້ນດ້ວຍຕົນເອງການໃຫ້ບໍລິການ ຊຳລະຄ່າສິນຄ້າແລະ/ຫຼື ຄ່າບໍລິການບໍລິສັດບໍ່ມີສ່ວນຮູ້ເຫັນໃນສັນຍາຂໍ້ກຳນົດ ຫຼື ສິດ ແລະ ໜ້າທີ່ຕ່າງໆເຊິ່ງຜູ້ໃຊ້ ບໍລິການ ແລະ ຜູ້ຂາຍ ແລະ/ຫຼື ຜູ້ໃຫ້ບໍລິການມີຕໍ່ກັນດັ່ງນັ້ນຫາກມີຂໍ້ຜິດພາດອັນເນື່ອງມາຈາກການໃຫ້ບໍລິການ ຮັບຊຳລະຄ່າສິນຄ້າ ແລະ/ຫຼື ບໍລິການຂອງບໍລິສັດເກີດຂຶ້ນບໍ່ວ່າຈະເປັນການຊຳລະໜີ້ເກີນກຳນົດ, ການຊຳລະບາງສ່ວນ, ການຖືກລະງັບການໃຫ້ບໍລິການ ຫຼື ກໍລະນີອື່ນໃດຜູ້ໃຊ້ບໍລິການຈະຕ້ອງເປັນຜູ້ຮັບຜິດຊອບ ແລະ/ຫຼື ດຳເນີນການ ແກ້ໄຂຂໍ້ຜິດພາດດ້ວຍຕົນເອງໂດຍບໍລິສັດບໍ່ມີສ່ວນກ່ຽວຂ້ອງແຕ່ຢ່າງໃດ.

11.3 ບໍລິສັດຂໍສະຫງວນສິດບໍ່ຮັບຜິດຊອບໃນທຸກກໍລະນີຕໍ່ຄວາມເສຍຫາຍ ຫຼື ສູນຫາຍບໍ່ວ່າຈະໂດຍທາງຕົງ ຫຼື ທາງ ອ້ອມອັນເກີດຂຶ້ນກັບຂໍ້ມູນໃນໂທລະສັບ ຫຼື ໂທລະສັບ ຫຼື ອຸປະກອນໃດອັນເນື່ອງຈາກການໃຊ້ບໍລິການຂອງຜູ້ໃຊ້ ບໍລິການ.

11.4 ບໍລິສັດຂໍສະຫງວນສິດບໍ່ຮັບຜິດຊອບໃນທຸກກໍລະນີຕໍ່ຄວາມເສຍຫາຍ ຫຼື ສູນຫາຍອັນເກີດຂຶ້ນກັບເງິນໃນ source of funds ທີ່ເຊື່ອມຕໍ່ກັບບັນຊີ EPS wallet ຂອງຜູ້ໃຊ້ບໍລິການລວມເຖິງຈຳນວນເງິນທີ່ຢູ່ໃນກະເປົ໋າຂອງຜູ້ ໃຊ້ບໍລິການອັນເນື່ອງຈາກໂທລະສັບ ຫຼື ອຸປະກອນອື່ນໄດ້ຂອງຜູ້ໃຊ້ບໍລິການສູນຫາຍ ຫຼື ຖືກລັກ ຫຼື ຜູ້ໃຊ້ບໍລິການ ຖືກຕົວະ ຫຼື ຈາກ (hardware) ຫຼື ຄອມພິວເຕີໄວຣັດ ຫຼື ຈາກການໂຈມຕີທາງເອກໂຕນິກອື່ນໃດໃນໂທລະສັບ ຫຼື ອຸປະກອນອື່ນໄດ້ຂອງຜູ້ໃຊ້ບໍລິການ ຫຼື ຈາກເຫດສຸກວິໄສອື່ນໃດໂດຍຜູ້ໃຊ້ບໍລິການຈະຕ້ອງແຈ້ງລະງັບການໃຊ້ບັນຊີ source of funds ດັ່ງກ່າວຕໍ່ບໍລິສັດ ຫຼື ຕໍ່ທະນາຄານ ຫຼື ສະຖາບັນການເງິນ ຫຼື ຜູ້ໃຫ້ບໍລິການບັດເຄດິດ, ບັດເດບິດ ຫຼື ຜູ້ໃຫ້ບໍລິການ source of funds ດັ່ງກ່າວໂດຍທັນທີໃນກໍລະນີກ່ຽວກັບເງິນໃນກະເປົ໋າເງິນຂອງຜູ້ໃຊ້ບໍລິການຜູ້ໃຊ້ ບໍລິການສາມາດແຈ້ງວັດຖຸປະສົງຂອງລະງັບການໃຊ້ເງິນໃນກະເປົ໋າເງິນຂອງຜູ້ໃຊ້ບໍລິການດ້ວຍຕົນເອງພາຍໃນຊ່ອງທາງທີ່ບໍລິສັດກຳນົດ.

11.5 ບໍລິສັດມີຖານະເປັນພຽງຜູ້ໃຫ້ບໍລິການເຊິ່ງໃຫ້ບໍລິການຜ່ານແອັບພີເຄຊັ່ນ ແລະ ຊ່ອງທາງອື່ນໆ (ຖ້າມີ) ຕາມທີ່ບໍລິສັດກຳນົດເທົ່ານັ້ນບໍລິສັດບໍ່ມີສ່ວນຮູ້ເຫັນ ຫຼື ມີສ່ວນຮ່ວມ ຫຼື ໃຫ້ການສະໜັບສະໜູນໃນການກະທຳໃດໆ ແລະ/ຫຼື ຄວາມເສຍຫາຍຕໍ່ບຸກຄົນພາຍນອກ ຫຼື ຜູ້ທີ່ໄດ້ຮັບຄວາມເສຍຫາຍເອງໂດຍຕົງທັງໝົດ.

11.6 ບໍລິສັດຂໍສະຫງວນສິດໃນການຮັບຜິດຊອບໃດໆກໍຕາມອັນກ່ຽວກັບກົດໝາຍຄຸ້ມຄອງຂໍ້ມູນສ່ວນບຸກຄົນ ຫຼື ກົດໝາຍອັນອື່ນກໍຕາມອັນເນື່ອງມາຈາກການທີ່ຜູ້ໃຊ້ບໍລິການປົກປິດຂໍ້ມູນ ຫຼື ໃຫ້ຂໍ້ມູນທີ່ບໍ່ຕົງຕາມຄວາມເປັນຈິງແກ່ ບໍລິສັດຫາກຜູ້ໃຊ້ບໍລິການປົກປິດຂໍ້ມູນ ຫຼື ໃຫ້ຂໍ້ມູນທີ່ບໍ່ຕົງຕາມຄວາມຈິງດັ່ງກ່າວຜູ້ໃຊ້ບໍລິການຕົກລົງຮັບຜິດຊອບ ໃນຄວາມເສຍຫາຍໃດໆທີ່ເກີດຂຶ້ນກັບບໍລິສັດ ແລະ /ຫຼື ບຸກຄົນພາຍນອກທັງໝົດ.


12. ຂໍ້ມູນສ່ວນບຸກຄົນ
ຜູ້ໃຊ້ບໍລິການຕົກລົງ ແລະ ຮັບຮູ້ວ່າບໍລິສັດອາດດຳເນີນການເກັບລວບລວມໃຊ້ ຫຼື ເປີດເຜີຍຂໍ້ມູນສ່ວນບຸກຄົນ ເຊິ່ງລວມເຖິງແຕ່ບໍ່ຈຳກັດພຽງຂໍ້ມູນຕາມບັດປະຈຳຕົວຂໍ້ມູນທີ່ຈຳເປັນໃນການຕິດຕໍ່, ຕຳແໜ່ງທີ່ຢູ່ (location), ຂໍ້ມູນ ເບີໂທລະສັບ (phonebook) ຂອງຜູ້ໃຊ້ບໍລິການ ແລະ/ຫຼື ທີ່ຜູ້ໃຊ້ບໍລິການທີ່ໄດ້ໃຫ້ໄວ້ແກ່ບໍລິສັດ ແລະ/ຫຼື ທີ່ຢູ່ໃນ ຄວາມຄອບຄອງຂອງບໍລິສັດ ແລະ/ຫຼື ທີ່ບໍລິສັດໄດ້ຮັບ ຫຼື ເກັບລວບລວມຈາກແຫຼ່ງອື່ນ ແລະ ບຸກຄົນອື່ນ ໄດ້ໂດຍຖືກຕ້ອງຕາມກົດໝາຍເພື່ອວັດຖຸປະສົງໃນການພິຈາລະນາຄຳຂໍລົງທະບຽນສະໝັກບັນຊີ EPS wallet ການພິສູດຢືນຢັນຕົວຕົນການໃຊ້ບໍລິການການໃຫ້ບໍລິການຊ່ວຍເຫຼືອການຕິດຕໍ່ສອບຖາມການເຮັດສະຖິຕິການວິເຄາະວິໄຈຂໍ້ມູນເພື່ອພັດທະນາບໍລິການ ຫຼື ໃຫ້ສິດທິປະໂຫຍດທີ່ອາດເປັນປະໂຫຍດຕໍ່ຜູ້ໃຊ້ບໍລິການ ຫຼື ມຸງເນັ້ນໃຫ້ຜູ້ໃຊ້ ບໍລິການໄດ້ຮັບບໍລິການທີ່ດີການປ້ອງກັນການສໍ້ໂກງ ແລະ ຮັກສາຄວາມປອດໄພແກ່ບັນຊີ EPS wallet ຂອງຜູ້ໃຊ້ບໍລິການການສົ່ງຂໍ້ມູນຂ່າວສານລວມເຖິງການດຳເນີນການໃດໆເພື່ອວັດຖຸປະສົງໃດທີ່ກ່ຽວຂ້ອງກັບການໃຫ້ບໍລິການທີ່ຜູ້ໃຊ້ບໍລິການອາດຈະສົນໃຈ ຫຼື ເປັນປະໂຫຍດແກ່ຜູ້ໃຊ້ບໍລິການຜ່ານຊ່ອງທາງການແຈ້ງເຕືອນໃນແອັບພີ ເຄຊັ່ນ ແລະ ຊ່ອງທາງການຕິດຕໍ່ທີ່ຜູ້ໃຊ້ບໍລິການໄດ້ແຈ້ງໄວ້ເຊິ່ງບໍລິສັດມີສິດຕາມກົດໝາຍອັນເນື່ອງມາຈາກການໃຫ້ ບໍລິການ ແລະ ຜູ້ໃຊ້ບໍລິການຮັບຮູ້ວ່າບໍລິສັດອາດສົ່ງ ແລະ ໂອນຂໍ້ມູນສ່ວນບຸກຄົນຂອງຜູ້ໃຊ້ບໍລິການໃຫ້ແກ່ ນິຕິບຸກຄົນທີ່ມີອຳນາດຄວບຄຸມບໍລິສັດ ຫຼື ຢູ່ພາຍໃຕ້ການຄວບຄຸມຂອງບໍລິສັດ ແລະ ນຸຕິບຸກຄົນທີ່ຢູ່ພາຍໃຕ້ ການຄວບຄຸມດຽວກັນກັບບໍລິສັດລວມເຖິງນິຕິບຸກຄົນ ຫຼື ບຸກຄົນອື່ນທີ່ບໍລິສັດເປັນຄູ່ສັນຍາ ຫຼີມີຄວາມສຳພັນ ກັນຕະຫຼອດຈົນບຸກຄົນ ຫຼື ນິຕິບຸກຄົນພາຍນອກເຊິ່ງມີໜ້າທີ່ປະມວນຜົນຂໍ້ມູນບຸກຄົນທັງພາຍໃນ ແລະ ພາຍນອກ ປະເທດທັງນີ້ກໍລະນີທີ່ບໍລິສັດຈຳເປັນຈະຕ້ອງສົ່ງຂໍ້ມູນສ່ວນບຸກຄົນຂອງຜູ້ໃຊ້ບໍລິການໄປໃຫ້ບຸກຄົນພາຍນອກປະເທດທີ່ມີມາດຕະຖານການຄຸ້ມຄອງຂໍ້ມູນສ່ວນບຸກຄົນບໍ່ພຽງພໍຕາມທີ່ກົດໝາຍກຳນົດບໍລິສັດຮັບຮອງວ່າບໍລິສັດຈະດຳເນີນການໃຫ້ມີມາດຕະຖານຄຸ້ມຄອງຂໍ້ມູນສ່ວນບຸກຄົນທີ່ເໝາະສົມ ແລະ ສອດຄ່ອງກັບມາດຕະຖານຕາມທີ່ບໍລິສັດກຳນົດຜູ້ໃຊ້ ບໍລິການສາມາດກວດສອບ ແລະ ສຶກສາລາຍລະອຽດອື່ນໆຜ່ານນະໂຍບາຍການຄຸມຄອງຂໍ້ມູນສ່ວນບຸກຄົນຂອງ ບໍລິສັດໄດ້.


13.ພາສາ.
ການແປເງື່ອນໄຂການໃຫ້ບໍລິການສະບັບນີ້ບໍ່ວ່າຈະແປເປັນພາສາໃດກໍ່ຕາມມີໄວ້ເພື່ອອຳນວຍຄວາມສະດວກໃຫ້ແກ່ຜູ້ ໃຊ້ບໍລິການເທົ່ານັ້ນບໍ່ວ່າມີເຈດຕະນາໃດທີ່ຈະປັບປ່ຽນເງື່ອນໄຂການໃຫ້ບໍລິການໃນກໍລະນີທີ່ຂໍ້ຄວາມຂັດແຍ່ງກັນລະ ຫວ່າງພາສາລາວ ແລະ ພາສາອື່ນທີ່ບໍ່ແມ່ນພາສາລາວໃຫ້ຍືດຂໍ້ຄວາມຕາມພາສາລາວ.


14. ກົດໝາຍທີ່ໃຊ້ບັງຄັບ.
ເງື່ອນໄຂການໃຫ້ບໍລິການສະບັບນີ້ໃຫ້ໃຊ້ບັງຄົບ ແລະ ຕີຄວາມໝາຍຕາມກົດໝາຍແຫ່ງສາທາລະນະລັດ ປະຊາທິປະໄຕ ປະຊາຊົນລາວ ໂດຍບໍ່ຕ້ອງຄຳນຶງເຖິງກົດໝາຍວ່າດ້ວຍການຂັດແຍງແຫ່ງກົດໝາຍ.


15. ການແຍກສ່ວນກັນ.
ຖ້າຂໍ້ກຳນົດ ຫຼື ເງື່ອນໄຂໃດໆຂອງເງື່ອນໄຂການໃຫ້ບໍລິການນີ້ເປັນໂມຄະ ຫຼື ບໍ່ສົມບູນຕາມກົດໝາຍໃດໆ ໃຫ້ຖືວ່າຂໍ້ກຳນົດ ຫຼື ເງື່ອນໄຂອື່ນໆຂອງເງື່ອນໄຂການໃຫ້ບໍລິການທີ່ສົມບູນຈາກສ່ວນທີ່ເປັນໂມຄະ ແລະ ມີຜົນບັງຄັບ ໃຊ້ຕໍ່ໄປ.


16. ການບໍ່ສະຫຼະສິດ.
ໃນກໍລະນີບໍລິສັດບໍ່ບັງຄັບໃຊ້ຂໍ້ກຳນົດ ຫຼື ເງື່ອນໄຂໃດຂອງເງື່ອນໄຂການໃຫ້ບໍລິການນີ້ຈະບໍ່ກະທົບເຖິງສິດ ຂອງບໍລິສັດໃນການບັງຄັບໃຊ້ຂໍກຳນົດ ຫຼື ເງື່ອນໄຂນັ້ນພາຍຫຼັງ ແລະ ການສະຫຼະສິດໃນການເຮັດຜິດຂໍ້ກຳນົດ ຫຼື ເງື່ອນໄຂໃດຂອງຜູ້ໃຊ້ບໍລິການຈະຖືເປັນການສະຫຼະສິດໃນການກະທຳຜິດຂໍ້ກຳນົດ ຫຼື ເງື່ອນໄຂດັ່ງກ່າວຄັ້ງຕໍ່ໄປ ຫຼື ເງື່ອນໄຂອື່ນໃດ.